عادل حجازى

معقوله فيه ناس كراهيتها  توصل للدرجة ديّا  عنيها بتقول على نيّتها  فى الغدر فى لحظة بيّا  موش شايفين بس الّا عيوبك  هفواتك غَلَطَك و ذنوبك  بيفتّشوا قلبك و جيوبك  حاجة فعلا موش عاديّة ! خطواتك كلّها مَرْصودة  والكلمة ولوَ موش مقصودة  وحياتك كلها محسودة  والناس مابقيتش هِيّا ! **** **** بضمير وبصدق وطولة بال  وبصفو النيّة بنتعامل  ونشوف الكُرْه ردود أفعال  نسكت و نعدّى وبنجامل  آدي حال الدنيا وحال الناس  ومافيش انسان ابدا كامل  خطواتك كلّها مَرْصودة  والكلمة ولوَ موش مقصودة  وحياتك كلها محسودة  والناس مابقيتش هِيّا ! ***** ***** فى طريق العمر احباب واصحاب  ياما باعوا بدون ادنى مُقابل  واحنا اللى صبرنا ليالى طوال  نقبل فى زماننا المُوش قابل  بكره اللى ظلمنا يدق الباب  ندمان ومسيرنا هانتقابل  خطواتك كلّها مَرْصودة  والكلمة ولوَ موش مقصودة  وحياتك كلها محسودة  والناس مابقيتش هِيّا ! ****** عادل حجازى  24-4-2013