المستهبلات فى امها " الهشكات "
الهشكات جمع هشكة !
والهشكة هى البنت ال……!!
نقول عليها ايه عشان الرقابة ؟؟!!
اللى مش مظبوطة ..ولّا….الصايعة …وبالمناسبة كلمة صاع – انحرف يعنى – محرّفة من مفردة عربية فصيحة هى …ساع
ساع الرجل ..أى تشتت أمره وتفرّق !!
ساع الرجل فه سائع ..مش بارد يعنى ..لأ…هائم على وجهه…ضايع…مش نافع…صائع ..أو..صايع
والانثى سائعة…أو …صايعة !!!
والهشكات الصيّع من كل أقطار الأرض …فهناك الهشكس..فى انجلترا
والهشكاتن فى المانيا
والهشكاتوف فى دول الاتحاد السوفييتى سابقا
والهشكايانو فى اسبانيا وايطاليا
والهاشكة الفاتكة الماتكة الفاسكة…فى الدول العربية !!!!!!!!
ومش هطوّل عليكو
موضوعى عن البنات الصيّع !!!
وكلمة صايع دى فضفاضة جدا جدا جدا
يعنى ايه بنت صايعة ؟؟؟
ايه صفاتها ؟؟؟
يا ترى هى اللى بتكلم طوب الارض بميوعة وقلة ادب ..من اول الجيران ..لحد زمايلها فى مدرج الجامعة ..لحد اى بنى ادم يقع فى سكتها ..فى محل ..فى وسيلو مواصلات ..على شط فى مصيف …على ناصية فى شارع ..فى اى حتة فى الدنيا ؟؟
هى دى الصايعة ؟؟!!!
ما يمكن عشرية يا اخى واجتماعية ومعندهاش عقد ..على الاقل كل تصرفاتها فى النور..قدام المجتمع ..قدام الناس …يعنى على سجيتها ..يعنى مش فى دماغها انحراف ولا صياعة ولا دياولو ….بطّلو تخلف بقى - أنا يعنى ! – مش لازم يعنى تكون على حل شعرها
احنا فى مجتمع مفتوح ملووح منتوح…بلاش كلكعة وكلام فارغ ..ايه..عايز البنت تبقى خرساء كما جلمود الصخر ؟؟؟!!
طب وكلام الناس – الاغلبية يعنى – حتفهم الكلام دة ؟؟؟!!!
يا أخى عنهم ما فهموا …دى مجتمعات خايبة مذعورة من كل ماهو انثوى !!
شوف البنات فى الغرب بيستقلوا بحياتهم من سن 17وبتتجوز بمزاجها من غير اب ولا ام ولا دادة …ومعندهاش مشاكل فى حياتها من اى نوع
تعمل اللى تعمله …حرية الفرد مكفولة بحق القانون …مش مجتمعات قمعية زى حالاتنا !!!!
يا ترى هى دى الصايعة ؟؟؟؟؟؟!!!!!!!!
ولا الصايعة هى اللى مصرّة انها تلفت نظر الناس وتجبرهم على التعامل مع جسمها اولا !!!!!! عن طريق استفزاز غرائزهم الدنيا بالملابس العارية ..أو اللى بتوصف جسمها حتة حتة ..واحيانا فى وجود غطاء الرأس (الحجاب ) ….ولمّا تتعرض لمعاكسات فى الشارع ..أو حتى لتحرّش جنسى – كما حدث فى احد العواصم العربية الكبرى – اثناء احد الاعياد الاسلامية (!!) وذلك على مرأى ومسمع من الشرطة …لأنه كان تحرّشاً جماعياً !!!! ولمّا تحصل المصايب دى من تحت راس اللبس اللى مش لبس اصلا ..يبقى المجتمع قذر وبشع وقليل أدب واطى
ينفع ؟؟!!!!!!!
يا ترى هى دى الصايعة ؟؟؟!!
ولا الصايعة هى اللى مصرة تمشى بمياصة وتتكلم بصوت عالى فى الاماكن العامة وضحكتها المايعة بترن فى المكان ..وتلاقيها قاعدة اى اى كوفى شوب بتسحب انفاس الشيشة – أو النرجيلة !!- ولا أجدع معلمة فى المدبح !!!
يا ترى هى دى الصايعة ؟؟!!!
ولا اللى ماشية بالبكينى على شواطىء مارينا ..على اساس انها ستايل وموضة واللى يبص لها من الشباب من تحت النظارة الشمسية الداكنة – اللى غالبا بيحطوها على وشّهم عشان يبصوا براحتهم !!- يبقى شاب بيئة ..وياى ..مارينا بقت بتلم !!
ولا غاوية تتفرج على سيديهات من اياها وبابا فى الطراوة ..ودى ثقافة ..لازم نعرفها !!
ولا اللى نفسها تعمل زى الموديلز اللى فى الكليبات السودة ..بس مش قادرة
نفسها تبص لأى شاب راقد فى الجيم ..وكلبظ العضلة اللى بتنط من تحت كم البادى – الاسود على دماغه غالبا !!- ..واللى نفسها تتكلم بالساعات فى الموبايل مع اى لوح يأفلم عليها ….واللى نفسها تبقى لابسة ع القد – نونو..نونو يعنى ! – عشان تبين جمالها الفتّاك !!
المشكلة الكبرى
ان الصياعة مش محتاجة تعريف
دى حاجة بنحسها بالفطرة !
لكن بصراحة احنا عندنا شوية مشاكل فى التعامل مع الهشكات !!!
· ان احنا بنفرح لمّا بنقابل واحدة منهم فى اى مكان …فرصة سهلة للمياصة والكلام اللى ماعليهش جمرك ….حد يلاقى تفاحة ملهاش صاحب ويسيبها ؟؟؟!!
تلاقى الكلام الحلو اللى بمعنيين طلع وقتى ..وتلاقى شغل الاراحوزات ابتدا عشان الحلوة تضحك …وكله انتقاص من قيمة الاتنين
الصايعة…واللى بيصيع معاها !!
· الحاجة التانية
· هو الاحتفال الرسمى بالهشكات – غير الاحتفال الشعبى المذكور عاليه – احتفال اجهزة الاعلام بالصيّع والمقاطيع !!
ممثلة اتباست من طوب الارض ..وجسمها كله اتشاف من العالم اجمع ماعدا حاجات بسيطة ..وفى الآخر…يتقال عليها نجمة ..وجدعة …ونجمة مصر الاولى ..ونجمة الجماهير – قصدها يعنى جماهير السمكريّة والسبّاكين !!- وقنبلة الاغراء …و….و…., وبعدين تطلع فى الفضائيات تتكلم فى كل حاجة ..حتى الدين !!!!!!!!
وصدق رسول الله
سيأتى على الناس سنوات خداعات ، يصدق فيها الكاذب ، و يكذب فيها الصادق ، و يؤتمن فيها الخائن ، و يخون فيها الأمين ، و ينطق فيها الرويبضة قيل : و ما الرويبضة ؟ قال : الرجل التافه ، يتكلم في أمر العامة
صدقت يا حبيبى يا رسول الله
اسافل الناس يتكلمون فى الدين !!
ولا حول ولا قوة الا بالله
· الحاجة التالتة
اننا اصبحنا لا نصفق للمحترمات …بل نتهكم على اصحاب الحجاب والنقاب …ولا ننتقد اصحاب المينى والميكرو والمايوهات !
طبعا …الا من رحم ربى ….فلا نعدم الخيّريّة من هذه الامة , فقط …الغالب ..هو الصمت والتجاهل المرير لهؤلاء الصيّع !
ومما يدمى القلب
أن ارى بعينى العاهرات يدخلن احد الفنادق الكبرى فى وضح النهار فى القاهرة …على مرأى ومسمع من شرطة السياحة !!
فإذا كانت الدولة بأجهزتها الرسمية تمثّل دور العمياء امام الهشكات المحترفات للرذيلة
فما بال الناس
وماذا يصنعون ؟؟؟؟؟؟؟!!!!!!!!!!!!!!!!!!!!!!!!!!
عادل حجازى
Acc_adelhegazy@yahoo.com
تعليقات
إرسال تعليق