عادل حجازى

لو أصبحت رئيساً للجمهورية ماذا تفعل ؟؟!!!

    طابور العيش اللى مليان مسامير وقدّ الربع جنيه اللى بيقف عليه الفلّاحين والعشوائيين والناس الكخ الياى اليَعّ الفقرا بالساعة والساعتين عشان ب 3 جنيه عيش ..الطابور دة ...مفيش صليب خشب مرفوع ..ولا مصحف شريف فى ايد حد ّ !! ...ااتنين بيجيبوا عيش معفّن !!! الاتوبيس ابو ربع جنيه ونص جنيه , اللى برضو الناس الكخ الياى اليَعّ , والناس مدلدلة من ابوابه المكسّرة , ومحشورين فى بعض وريحة العرق المقرفة عمياهم , وروائح أخرى أحيانا (؟؟!!) , والمستويات الاخلاقية الزفت اللى ممكن تقابلها , الناس دى ...مسلم ومسيحى وممكن ملحد كمان !!! القطارات المعفنة كمان !! الشوراع المليانة زلط وطوب ومجارى طافحة , والبيوت اللى من غير صرف , ومن غير ميّة , وساعات من غير كهربة , بيسكن فيها , نفس الناس الكخ الياي اليَعّ ..برضو مسلم ومسيحى وممكن ملحد !! المدارس المعفّنة ...والمستشفيات المعفّنة ...والمصالح الخدمية المعفنة ...وكل ما هو مكتوب باسم المواطن " معدوم الدخل والكرامة والوجود " !!! قمل الدولة المعفن زمان كان بيسحل المواطن " المصرى " ..يطلع جورج ..يطلع مصطفى ..مالوش فى الكلام دة !!! باختصار

زيّه   زيّ غيره وهايتْرِكِنْ ع الرّفْ ْ هايصدّق كلّ كلمة ويحبّ يتعرّفْ ْْ والآخر برضُه سكّة قلبِك هايِتْصَرّفْ دا اللي يحبّ ف عينيكي يبقى بيْخَرّفْ !!!   طَبْعْ غريب مَأصّل بيثور ويتْمَرّدْ على أيّ عاشق طاير فى سَمَاكي بيْغَرّدْ دة الغدر اللي ف دِماكي بيْغْلي و يْحَرّض ع الجرح و ع الإساءة كدّابة بتْشرّدْ !!!   من كِدْبْ لكِدْب تانى خلّينا نتْفَرّج سيبي قلبك براحته من ايه هايتْحَرّج مولود من غير مشاعر وف عُقَدُه بيْخَرّج عادي بتحصل وياما فيه ناس وبتْهَرّج !!! يوم فى التانى ولازم الكلّ   يتْهَرّبْ من واحدة موش شايفة غيرها بتلعب   وبتْجَرّبْ ويا ويلُه اللي يفكّر فيها ويتْقَرّبْ هايلاقى فى النهاية مجنونة بتْخَرّب !!! صعبان على قلبي حالك وبجدّ مسْتَخْسَرْ بتكرّري    أخطاءك ولا حاجة بتْأثّرْ قلبك حايلاقى نَفْسُه وَحْدُه بيتْحَسّرْ والمُولد انفضّ فجأة والمعبد اتْكَسّر !!!   

فى مكانها المفضّل ( شعر غنائي ) كتبهاعادل حجازى ، في 16 ديسمبر 2010 الساعة: 06:59 ص فى مكانها المفضّل بالساعات انا بفضل افتكر ..ايّامها فى وداعها وسلامها طريقتها فى القُعاد طريقتها فى الوقوف طريقتها فى السُكات وف نُطق الحروف ! اكسسوارتها..ومكياجها وبارفانها الرقيق ابتساماتها..و همساتها سحر عيونها البرىء وكلامنا اللى كان .. أجمل ما فى الزمان وأحلامنا اللى كانت مَلْو   السما   والارض . ولحظة الفراق.. من غير أىّ اتّفاق وباب الزمن الجميل اللى اتقفل واتّرد ! ******** ********   فى مكانها المفضّل بالساعات انا بفضل افتكر ايامها لو تعود ايامها فى حاجات ..مهما الزمن بيعدّى ما تتنيسش حاجات ..لو تتنسي ازاى نقدر نعيش والحياة ..بعديها أيّام ..وبنعدّيها الفرحة غايبة ..وروحي دايبة من تفكيري فيها والمكان الفاضى ..لسّه بيناديها وكل شىء قصادي..مستنّي   يلاقيها والحنين   موش عادى لذكريات الماضى لو بسّ..اشوفها ثانية كفاية قوى ..انا راضى ! فى مكانها المفضّل بالساعات انا بفضل …………… عادل حجازى

تفائل بعنيكي ( شعر غنائى ) كتبهاعادل حجازى ، في 10 يونيو 2011 الساعة: 21:37 م     بتفائل بعنيكى ..   لمّا بيندهوني   وباحسّ ان الدنيا   احلوّت فى عيونى   وأشعُر بإنّي برىء ..   من كل همّ و ويل   وأشعُر بإنّي جرىء ..   وفى عنفوان الخيل   طاير بقلبى لفوق   وبادوب يا قمر الليل   بتفائل بعنيكى !       كان حلم م الأحلام   فى يوم من الأيّام   أعشق وقلبى يدوب   واكون حبيب محبوب   لِحّدّ ما يوم قابلتك ..   قُلتْ الهوى المكتوب !   باشعُر بإنّي برىء ..   من كل همّ و ويل   باشعُر بإنّي جرىء ..   وفى عنفوان الخيل   طاير بقلبى لفوق   وبادوب يا قمر الليل   بتفائل بعنيكى !       عَدّت عليّا سنين   ونا متغرّب حزين   كان أملى إنّى أعيش   فى حب ما ينتهيش   ولاقيتك نجم عالى   فى سمايا ما ينطفيش   باشعُر بإنّي برىء ..   من كل همّ و ويل   باشعُر بإنّي جرىء ..   وفى عنفوان الخيل   طاير بقلبى لفوق   وبادوب يا قمر الليل   بتفائل بعنيكى !    ********** عادل حجازى     أضف الى مفضلتك ـــــــــــــــــــــــــــــــــــــــــــــــــــــــــ تحرير