عادل حجازى

لحية و كاب كتبوا كتاب دخلوا العزبة وقفلوا الباب مين كان حاضر  مين كان غاب  قسموا القسمة  ما عملوا حساب  غير للّ احباب وال انساب  والنهر انساب  ولافيش حاجة للّ اغراب  حط ّ غراب  فوق العزبة نَعَق بخراب  قال : القسمة  ماهيش مقسومة  والعزبادي ماهيش محسومة  ردّوا وقالوا : يا وشّ البومة  اقرا اليافطة  " شريعة الغاب " !! لحية و كاب كتبوا كتاب دخلوا العزبة وقفلوا الباب !! لحية وكاب  كانوا أصحاب يوم ما اتفقوا وقالوا كفاية فستك يالله عليه ده هباب جدو هباب اللى قلبها خراب فى خراب و اللى وحلها كمان بزيادة ابنه الشاب انحس دمّ و ارخم شاب وشايف ان الأب ..و شاب والمستقبل جايّ ع الباب المستقبل ..فاتح حضنه والحظ مقابل بالترحاب  بس زماننا زمن ..قلّاب  قنبلة و انفجرت شالت كل الشلّة الفاسدة  الواد و ابوه و الست الوالدة  وخدّامينهم ..وهجّامينهم واللى لحم فساده منهم كله هجّ  لمّا زلزال فجأة رج ّ دولة الظلم المكين لمّا صوت الرفض ضجّ  فوق دماغ المجرمين نجح الكمين ! اللحية كت راسماها صح والكاب موا

في مشوار الحياة  كلنا مساجين ما بين فرحة و آه كلنا مساكين مكتوب على عمرنا  نمشي فى الطريق لو كنّا لوحدنا لو كان لينا صديق بس بنمشي ...لازم طريقنا ...لمُنتهاه في مشوار الحياة . ......... ......... خطوة بتروح هنا  خطوة بتروح هناك و لسّه في قلبنا  طفل و احساس ملاك مكتوب على عمرنا  نمشي فى الطريق لو كنّا لوحدنا لو كان لينا صديق بس بنمشي ...لازم طريقنا ...لمُنتهاه في مشوار الحياة . ........ بنودّع حبيب وبنقابل حبايب والجرح الرهيب بكره حايبقى طايب مكتوب على عمرنا  نمشي فى الطريق لو كنّا لوحدنا لو كان لينا صديق بس بنمشي ...لازم طريقنا ...لمُنتهاه في مشوار الحياة . ........... 3-3-1999 عادل حجازي

شاهد عليك...كلام عنيك وكل بسمة بعتّهالي انّك هاتعشق..و انّك هاتبدأ تحكي الهوى طول الليالي شاهد عليك...كلام عنيك !! ......... ......... يا حبيبي من بين الناس حسّيتك اجمل احساس وبحر هواك آخدنا  موش ممكن راح اهون عليك ونا قلبي الهايم حواليك موش مستحمل بعادنا  شاهد عليك...كلام عنيك وكل بسمة بعتّهالي انّك هاتعشق..و انّك هاتبدأ تحكي الهوى طول الليالي شاهد عليك...كلام عنيك !! ............ ............ يا حبيبي انا ونت خلاص لو حتى نداري الاحساس بيبان فى عيوننا شوقنا طب قوللى حانداري ليه  وغرامنا ليه نقسى عليه دا الشوق ساكن قلوبنا  شاهد عليك...كلام عنيك وكل بسمة بعتّهالي انّك هاتعشق..و انّك هاتبدأ تحكي الهوى طول الليالي شاهد عليك...كلام عنيك !! ......... عادل حجازي 11-11-1996

وآهو حب يفوت ولا قلبي يموت و انا .. لانا شوق مجروح ولا طير مدبوح كام يوم و يروح حبّها فى سكوت  كده... لا عتاب ولا لوم ولا مين مظلوم ايه كان بيدوم وآهو حب يفوت ولا قلبي يموت ! ........... كان قلبي لمّا بيلمحها يبقى كأنه خلاص هايطير ويخاف لا نسمة تجرّحها  وكان جزائي جرح كبير وآهو حب يفوت ولا قلبي يموت و انا .. لانا شوق مجروح ولا طير مدبوح كام يوم و يروح حبّها فى سكوت  كده... لا عتاب ولا لوم ولا مين مظلوم ايه كان بيدوم وآهو حب يفوت ولا قلبي يموت ! ......... حبّيتها شوفتها قدّامي قمر السما فى علاه بيضيء خسرتني خسرت أحلامي  وكسبت أنا القلب برىء وآهو حب يفوت ولا قلبي يموت و انا .. لانا شوق مجروح ولا طير مدبوح كام يوم و يروح حبّها فى سكوت  كده... لا عتاب ولا لوم ولا مين مظلوم ايه كان بيدوم وآهو حب يفوت ولا قلبي يموت ! ......... عادل حجازي 10-1-1996

أجمل منّك مين  يمّو عيون حلوين يمّو الحسن الساحر جدا اللى شغل ملايين  دبت انا شوق و حنين مغرم ليّا سنين حنّي ف يوم على قلبي العاشق اللى صَبح مسكين !! أجمل منّك ...مين ؟! ........... يا أميرة ...يا أميرة  يا قريبة ..و بعيدة  يا غريبة يا عنيدة ما كفاية نار و حيرة  ! أجمل منّك مين  يمّو عيون حلوين يمّو الحسن الساحر جدا اللى شغل ملايين  دبت انا شوق و حنين مغرم ليّا سنين حنّي ف يوم على قلبي العاشق اللى صَبح مسكين !! أجمل منّك ...مين ؟! ............. أحلامي...يا أحلامي أيامي...و سنيني اشواقي ...وحنيني علشانك ..يا غرامي ! أجمل منّك مين  يمّو عيون حلوين يمّو الحسن الساحر جدا اللى شغل ملايين  دبت انا شوق و حنين مغرم ليّا سنين حنّي ف يوم على قلبي العاشق اللى صَبح مسكين !! أجمل منّك ...مين ؟! ........ عادل حجازي 13-8-1999

آخر مقابلة و راح كل قلب لحاله هيّ لحب تاني عشقته ورايحاله وقلبي لحزن تاني في غربته و ترحاله آخر مقابلة و راح كل قلب لحاله . ........... آخر مقابلة و فيها قابلت عنيّا عنيها  سألتها ع الأحلام جاوبتني بالنظرات  حب اللى فات مات كان كله م الأوهام آخر مقابلة و راح كل قلب لحاله . ................ آخر مقابلة  و بيها كان وداع لياليها من غيرعتاب وملام وبقيت مع الايام وحدي فى بحر آلام ومعادش باقي كلام آخر مقابلة و راح كل قلب لحاله هيّ لحب تاني عشقته ورايحاله وقلبي لحزن تاني في غربته و ترحاله آخر مقابلة و راح كل قلب لحاله . ......... عادل حجازي 26/2/1995

ليل نهار ..ونا ف انتظار كلمة منّك أو جواب ليل نهار ..ونا ف انتظار حتى شكوى أو عتاب يعني خلاص مبقاش فى بالك العيون ...المشتاقالك حسّ بالقلب اللى ندالك واللي ياما فى عشقه داب . .................. ليل نهار يا شاغل بالي ونا قلبي عاشق بيحبك ونت القمر اللى ملالي ايام حياتي بنور حبك يعني خلاص مبقاش فى بالك العيون ...المشتاقالك حسّ بالقلب اللى ندالك واللي ياما فى عشقه داب . ............... ليل نهار يا حبيب عمري بابعت فى شوقي و سلاماتي ونت ليه محيّر أمري دنت اجمل حكاياتي  يعني خلاص مبقاش فى بالك العيون ...المشتاقالك حسّ بالقلب اللى ندالك واللي ياما فى عشقه داب . ليل نهار ..ونا ف انتظار كلمة منّك أو جواب ليل نهار ..ونا ف انتظار حتى شكوى أو عتاب ............ عادل حجازي 14-2-1997

زيّ سحابة صيف زيّ مجرّد طيف انا مرّيت ف حياتك ونتي كمان مرّيتي هابقى معاكي صريح ولا ندمان و جريح ولا عمري حبّيتك ولانتي كمان حبّيتي كانت مسرحية  مثّلناها انا و انتى انا دور الحبيب ونتى دور حبيبتي فجأة ملّيناها من بعد ما عشناها مقدرناش نستحمل كان تمثيلنا ضعيف !! زيّ سحابة صيف زيّ مجرّد طيف انا مرّيت ف حياتك ونتي كمان مرّيتي !! ............. حكايتنا سوا من بدايتها  ونا قلبي عارف نهايتها انتي حاتبقي لغيري ونا حابقى لغيرك وبعادنا ف النهاية هو مصيري و مصيرك  زيّ سحابة صيف زيّ مجرّد طيف انا مرّيت ف حياتك ونتي كمان مرّيتي  !! .......... حكايتنا سوا كانت كدبة مكانتش جد كانت لعبة  انا عارف مشاعرك مكانتشي معايا ومافيش غير الفراق لهواكي و هوايا  كانت مسرحية  مثّلناها انا و انتى انا دور الحبيب ونتى دور حبيبتي فجأة ملّيناها من بعد ما عشناها مقدرناش نستحمل كان تمثيلنا ضعيف !! زيّ سحابة صيف زيّ مجرّد طيف انا مرّيت ف حياتك ونتي كمان مرّيتي !! ........... عادل حجازي 5-4-

تراهنّي ع الهوى  تراهنّي ع الغرام بكره حانكون سوا ونغنّي للغرام منا عارفك دنت حبيبي وماترضى بطول تعذيبي مهما بتبعد يا حبييبي هاترجع تاني هوا !! تراهنّي على الغرام  تراهنّي على الهوى ؟! ......... ......... هاتجيني بقلبك تاني ياحبيبي يا نور وجداني و آدي قلبك زيّ قلبي برضو ف بعده انكوى  انا عارفك مانت حبيبي وماترضى بطول تعذيبي مهما بتبعد يا حبييبي هاترجع تاني هوا !! تراهنّي على الغرام  تراهنّي على الهوى ؟! .......... .......... لا حاتقدر يوم تنساني يابو قلب بريء انساني دنا حبي جوّه قلبك عمره ما يوم انتهى  منا عارفك دنت حبيبي وماترضى بطول تعذيبي مهما بتبعد يا حبييبي هاترجع تاني هوا !! تراهنّي على الغرام  تراهنّي على الهوى ؟! ......... عادل حجازي 16-11-1996

انا ايه بالنسبالك عايز اعرف دلوقتي انا ايه بالنسبالك الحيرة فوق طاقتي قولي بكل صراحة حتى ولو جرّاحة جاوبي كده وبرّاحة انا ايه بالنسبالك ........... ........... انا ايه بالنسبة ليكي شايفاني ازاى عنيكي انا ف عيونك عاشق وف بعده بتشتاقيله ولّا مجرد صاحب وكلامه بترتاحيله قولي بكل صراحة حتى ولو جرّاحة جاوبي كده وبرّاحة انا ايه بالنسبالك .......... .......... انا ايه بالنسبة ليكي شايفاني ازاى عنيكي عايز اعرف و اطمّن ايه مشاعرك ناحيتي رفضاني ولا راضية هاعرف فين خطوتي قولي بكل صراحة حتى ولو جرّاحة جاوبي كده وبرّاحة انا ايه بالنسبالك ........... عادل حجازي 30-9-1996

بركان من الجمال في منتهى الغرابة  الرقة و الحنان السحر و الطيابة عاشق انا هيمان انا المغرم صبابة ! ............. ............. ياللى الهوى انتي وف قلب روحي سكنتي دي القسمة و المكتوب اسهر و قلبي يدوب في العشق و المحبوب ويختارك حبيبتي  بركان من الجمال في منتهى الغرابة  الرقة و الحنان السحر و الطيابة عاشق انا هيمان انا المغرم صبابة ! ........... ............ ياللى الجمال انتي وياللى الغرام انتي لو طال بينا البعاد فرّق ما بينّا بلاد حاتكونى انتى المعاد ومافيش غيرك حبيبتي  بركان من الجمال في منتهى الغرابة  الرقة و الحنان السحر و الطيابة عاشق انا هيمان انا المغرم صبابة ! ............. عادل حجازي 1/9/1997

مغرمة بيكي عيوني مغرمة بيكي الناس انتي يا ضي عيوني انتي يا أغلى الناس مغرم بيكي و قلبي موش ممكن هايخبي على قلبك احساسه وهواه الجنوني مغرمة بيكي عيوني مغرمة بيكي الناس . ......... .......... مغرمة بيكي مشاعري والكون و اللى فيه انتي يا شمسي و قمري ما تميلي و شوفيه مغرمة بيكي عيوني مغرمة بيكي الناس انتي يا ضي عيوني انتي يا أغلى الناس .......... .......... مغرمة بيكي سنيني و ايام الزمان و يزيد بيا حنيني يا بحر الحنان مغرمة بيكي عيوني مغرمة بيكي الناس انتي يا ضي عيوني انتي يا أغلى الناس .......... عادل حجازي 26-9-1996

شىء غامض غريب بيشدّني ناحيتك بيخلّيني أدوب ادوب فى محبتك قلبك ولّا..رقتك  سحرك ولّا ..نظرتك صوتك ولّا ضحكتك ولّا ايه .. ولّا ايه..ايه ! ايه اللى شاددني ناحيتك ! ............. ............ من أول ما اتقابلنا ونا و عيني حلمنا ان هواكي الجميل في حياتنا يقاسمنا  قلبك ولّا..رقتك  سحرك ولّا ..نظرتك صوتك ولّا ضحكتك ولّا ايه .. ولّا ايه..ايه ! ايه اللى شاددني ناحيتك ! .............. .............. مشوار عمري رسمته فى عيون اللى عشقته وادّيته كل روحي وليل الشوق سهرته  قلبك ولّا..رقتك  سحرك ولّا ..نظرتك صوتك ولّا ضحكتك ولّا ايه .. ولّا ايه..ايه ! ايه اللى شاددني ناحيتك ! ............. عادل حجازي 18-10-1998

موش حانتقم  من غدر.. قلبك ويّايا ..موش حانتقم والجراح..الغالية بكره حاتلتئم ..موش حانتقم كل اللى حاقدر اعمله حامشي ف طريقي و اكمله من غير هوى ومن غير بكا والبُعد...آه...هاستحمله موش حانتقم . ....... ....... حايفيد بايه انتقامي حايفيد بايه دمع العيون ضاعت مشاعري و أحلامي وخلاص قدر قلبك يخون كل اللى حاقدر اعمله حامشي ف طريقي و اكمله من غير هوى ومن غير بكا والبُعد...آه...هاستحمله موش حانتقم . ....... ...... بكره الليالي ف بعادي حاتبقى شىء صعب و حزين من غير هوايا و فؤادي هاتعيش فى نار جرح و أنين كل اللى حاقدر اعمله حامشي ف طريقي و اكمله من غير هوى ومن غير بكا والبُعد...آه...هاستحمله موش حانتقم . موش حانتقم  من غدر.. قلبك ويّايا ..موش حانتقم والجراح..الغالية بكره حاتلتئم ..موش حانتقم .......... عادل حجازي 4/4/1995

ظلمتك معايا..ظلمتك كتير يا أطيب صديقة قابلتني ف حياتي ظلمتك معايا..ظلمتك كتير ونا فى الحقيقة بتعذّب ليلاتي ظلمتك معايا..ظلمتك كتير ............ كان قلبى م البداية لازم يوضع نهاية ويصارحك بالحقيقة وبإنّك موش هوايا لكن كان غصب عنّي خبّيت  عنّك  لأني مقدرش أشوف دموعك واتحمّل فرقتك ظلمتك معايا..ظلمتك كتير ........... كنتى بالنسبة ليا  معنى الصحبة الوفية  ومعاني كتير رقيقة غالية فعلا عليا ارجوكي سامحي قلبي ماتحسسنيش بذنبي مقدرش أشوف دموعك واتحمّل فرقتك ظلمتك معايا..ظلمتك كتير ................ عادل حجازي 15-10-1996

الجمال الهادي كل يوم بينادي كل يوم يسحرني أكتر كل يوم يشغلني اكتر وألاقيني باحلم وافكر في قمرة قلبي و بلادي الجمال الهادي . ........ العيون الحالمة  خلّت حالي حال رايحة جاية..سالمة بالحُسن الموّال  ياللى كل ما فيكي ساحر والجمال  مالهش   آخر الجمال الهادي . ............. البراءة المذهلة المشاعر و الأمان اشتياقي مشكلة حلّها نظرة حنان ياللى كل ما فيكي ساحر والجمال  مالهش   آخر الجمال الهادي . ........... عادل حجازي 7/4/1999

احساس ماهوّاش سهل انّك..و بكل...جهل تدوس على أقرب ناس كانت عايشة عشانك  وبعد ..فوات...الوقت تندم..انك..حرقت اللى ما بينك و بينهم ازاى احساسك خانك هيّ كده الدنيا قرار يا إمّا جنة يا إما نار وحنا أسأنا الاختيار و آدينا بندفع التمن  ضيّعنا ليه أجمل غرام وقلب كان فوق الكلام دلوقت جيّ تقول حرام من بعد ما دار الزمن  احساس ماهوّاش سهل . ..................... ...................... و نمشي طريق الحياة لا نسينا و لا هاننساه واللى بنتمنــــــــــــاه المستحيل يحصل  اسمع صوته ينادي وألاقيه من تاني قصادي و بعد غياب موش عادي أنا شوقي ليه يوصل  يا طريق طال بالعذاب خلاص انا قلبي داب وتعبت من الغياب وموش قادر أكمّل ايام دايرة و بتفوت ونا عايش بس باموت وكلامي زي السكوت  وميــن هايتحمّل  هيّ كده الدنيا قرار يا إمّا جنة يا إما نار وحنا أسأنا الاختيار و آدينا بندفع التمن  ضيّعنا ليه أجمل غرام وقلب كان فوق الكلام دلوقت جيّ تقول حرام من بعد ما دار الزمن  احساس ماهوّاش سهل . ........... عادل حجازي 1/1/1999

هوضع حدّ لظلمك وهاحطّم تعاليكي حانسى هوايا وحلمك وهاسهّر لياليكي راح اخلّي غرورك...أحزان على فُرقة قلبي..الإنسان  و هواكي  دا كأنّه  ما كان وموش حاندم عليكي !! ......... ......... أنا هابعد عنّك يمكن قلبك يعرف حجمه  هاتحمل انا موش ممكن كل غروره و وهمه  راح اخلّي غرورك...أحزان على فُرقة قلبي..الإنسان  و هواكي  دا كأنّه  ما كان وموش حاندم عليكي !! .......... .......... انا بيكي ..ومن غيرك أقدر اعيش و أكون  عمري ما كنت اسيرك ولا حاقبل مهما يكون  راح اخلّي غرورك...أحزان على فُرقة قلبي..الإنسان  و هواكي  دا كأنّه  ما كان وموش حاندم عليكي !! هوضع حدّ لظلمك وهاحطّم تعاليكي حانسى هوايا وحلمك وهاسهّر لياليكي  .......... عادل حجازي 4/11/1996

هاتحرر من سجونك هاتحرر من شجونك هاتحرر من جنونك لحد كده...وكفاية  ملّيت أعذر و أسامح ملّيت تجرح و أصالح غدّار  قلبك  و  جارح و دي نهاية الحكاية  خلاص يا حبيبي خلاص وصلنا للنهاية . ......... ياما سامحت فى حقّي وكتير اتنازلت ونت بتجرح قلبي جرحته و مازلت غدّار  قلبك  و  جارح و دي نهاية الحكاية  خلاص يا حبيبي خلاص وصلنا للنهاية . ............ ياما جرحت مشاعري بدال المرّة ألف من غيرك أنا حرّة  م الجرح و م الضعف غدّار  قلبك  و  جارح و دي نهاية الحكاية  خلاص يا حبيبي خلاص وصلنا للنهاية . هاتحرر من سجونك هاتحرر من شجونك هاتحرر من جنونك لحد كده...وكفاية  ملّيت أعذر و أسامح ملّيت تجرح و أصالح غدّار  قلبك  و  جارح و دي نهاية الحكاية  خلاص يا حبيبي خلاص وصلنا للنهاية . .......... عادل حجازى 11-9-1997

أصغر قوي من أحلامي أصغر من حجم عواطفي أصغر بكتير...كتير  حبك كان من أوهامي حبك كان شىء من ضعفي كان وهم كبير...كبير  ونا بندم على إني صادفتك و ف يوم من أيامي عرفتك وبحاول أنسى ان انا شفتك أو حتى لمحتك قدّامي !! .......... .......... ويّاك أنا قلبي بدأ يعشق و هواك قصة حبي الأولى   و لقيته بأحلامه بيغرق مع قلب بيجرح بسهولة  ونا بندم على إني صادفتك و ف يوم من أيامي عرفتك وبحاول أنسى ان انا شفتك أو حتى لمحتك قدّامي !! .......... ويّاك أنا قلبي عرف معنى الويل وجراحه نيران قايدة وخلاص لانا هاعشق واتمنى ومشاعرى معاك من غير فايدة ونا بندم على إني صادفتك و ف يوم من أيامي عرفتك وبحاول أنسى ان انا شفتك أو حتى لمحتك قدّامي !! أصغر قوي من أحلامي أصغر من حجم عواطفي أصغر بكتير...كتير  حبك كان من أوهامي حبك كان شىء من ضعفي كان وهم كبير...كبير  ............ عادل حجازي 15-2-1997