اكدّب عنيا و أقول
كانت واحدة تانية
لأ طبعا موش معقول
موش هاخدع عنيّا
انتي اللى كنتى معاه
ماشية هنا ويّاه
وف عينك هواه
باين ف نظراتك.
طب ليه كان الخداع
ونا اللى قلبي ما باع
لحبّك...الوداع
ولكل ذكرياتك .
.........
.........
الحلم اللى عشقته
و هويته السنين
كان وهمي اللى انا شفته
بدمع العنين
حتيجيني و تترجاني
نرجع للشوق من تاني
لكن آسف موش هاقدر
ارفض ارجعلك تاني
........
........
القلب اللى هجرني
و جرحني و ظلم
بكره حيفتكرني
بدموع الندم
و تجيني و تترجاني
نرجع للشوق من تاني
لكن آسف موش هاقدر
ارفض ارجعلك تاني .
.............
عادل حجازي
23-12-1996
ليست هناك تعليقات:
إرسال تعليق