أرجوك افهم مشاعري
وبلاش كُتْر الآلام
ارجوك اعمل لخاطري
واسمع من غير ملام
انت....موش حب عمري
وقلبي..ماهوّاش بأمري
عاشقة..لغيرك و عذري
إني صارحتك قوام !!
أرجوك افهم مشاعري
...........
..........
انت بالنسبه ليا
موش أكتر من صديق
وعشان غالي عليا
مقبلش تكون غريق
ف غرام...مالهوش صدى
واحلام..طايرة ف فضا
مكتوب لينا و قضا
نبقى مجرّد صحاب !!
انت....موش حب عمري
وقلبي..ماهوّاش بأمري
عاشقة..لغيرك و عذري
إني صارحتك قوام !!
أرجوك افهم مشاعري
................
..............
قلبي و روحي و عنيا
دابوا و عشقوا حبيب
غيرك و بصفو نيّة
جرحوا القلب القريب
آسفة ..انى اعمل كده
و اجرح...قلبك كده
عارفة و متأكدة
بس انا برضه فى عذاب !!
أرجوك افهم مشاعري
..........
عادل حجازى
18-5-1996
ليست هناك تعليقات:
إرسال تعليق