هايلة ( شعر غنائي )
الحقيقة ..بدون مجاملة
قلبي عاشق من مقابلة
ولو تشوفك روحي قابلة
يبقى أسعد قلب..قلبي
ده ابتدت ..ايامي تفرح
وابتدت...احلامي تطرح
والعيون تسهر و تسرح
أصلك انتى حقيقي هايلة !
..........
..........
موش بجاملك..لمّا اقولّك
انتى أجمل م الجمال
ياللى حبّك..خلّى قُربك
سحر بيعدّي الخيال
ده ابتدت ..ايامي تفرح
وابتدت...احلامي تطرح
والعيون تسهر و تسرح
أصلك انتى حقيقي هايلة !
..........
..........
قلبي طاوعك..ماهو بايعك
مهما شاف منّك عذاب
موش هافارقك..عمري عاشقك
قصاد عيوني..وف الغياب
ده ابتدت ..ايامي تفرح
وابتدت...احلامي تطرح
والعيون تسهر و تسرح
أصلك انتى حقيقي هايلة !
...............
عادل حجازي
15/1/1996
تعليقات
إرسال تعليق