الطيبة الغريبة ! ( شعر غنائي )

الطيبة الغريبة ..والعين الحبيبة..و الشوقة الرهيبة

بتحلم بقربك !

النظرة البريئة ...والهمسة الرقيقة..خلوني الحقيقة

اسلّم و احبك !

.......

........

عندي كلام كتير

فى الحب و الأشواق

بس الكلام أسير

للحرف و الأوراق

وعشان كده دا مُحال

ف كلام غنا ينقال

أو كلمة أو مرسال

أوصفلك ..كل حبى !

الطيبة الغريبة ..والعين الحبيبة..و الشوقة الرهيبة

بتحلم بقربك !

النظرة البريئة ...والهمسة الرقيقة..خلوني الحقيقة

اسلّم و احبك !

......

.......

الحب اللى ف قلبي 

بيفوق الخيال

و قلبك مع قلبي

دا الخير و الجمال

ايام ورا ايام

و غرامنا م الأحلام

ألقى فين الكلام

يوصفلك ..كل حبي !

الطيبة الغريبة ..والعين الحبيبة..و الشوقة الرهيبة
بتحلم بقربك !
النظرة البريئة ...والهمسة الرقيقة..خلوني الحقيقة
اسلّم و احبك !

.........

عادل حجازي

24-3-1996