المستهبلات فى امها " البنات والشات "

كتبهاعادل حجازى ، في 10 أبريل 2008 الساعة: 15:22 م

سمسمة ..الوردة المذبوحة..غزالة ..دلوعة..ظبية الوادى…كحيلة العينين..ميسون..بتول ..قلب يبحث عن الحب..فتاة معذبة…كيوبيد..بنوتة..وردة الخليج..عسل اسكندرية ..عالية ..لولوة…جيجى..سندريلا ..الى عشرات الاسماء المستعارة التى تملأ النت ومواقع الشات

ودة شات خليجى ..ودة شات بناتى..ودة شات برباط ..ودة شات بسوستة !!

 

منتهى الهبل والهرتلة !!

 

ايه يا بشر المواقع دى كلها ؟؟؟!!!!!

كل دول بنى ادمين فاضيين عايزين يقتلوا الوقت وخلاص ..دة يدخل الشات ويسمى نفسه سماح ..وهاتك يا اشتغال فى الناس

   هاى

   هاى

   ممكن نتعرف

   سماح من مصر..ونت

   لؤى من الكويت

   اهلا بيك

   اهلا بيكى

   كام سنة يا حمار

   28 يا عبيطة

   انا 18 يا اهبل

   بتدرسى يا فارغة من جواكى

   اه حاسب الى يا حيلة بابا وماما

   انا بحب مصر

- شكرا ونا بحب الكويت مووووووووووت

- دى الحقيقة يا هبلة انا مش بشتغلك

   ميرسى يا تحفة

   انتى مرتبطة

   للاسف ..مخطوبة غصبن عن عين اللى جاب ابويا

   يا حراااااااااااااااااااااام

   شفت المسخرة

   واااااااااااء واااااااااااااااء   وااااااااااااااااااااااء

   متأوئش يا كوكو…هى الدنيا كدة

   طب وهتعملى ايه يا توتة ؟!

   مش عارفة ..انا خلاص انا الدنيا اسودت فى بقى !!

   لازم تقاومى ..ما تستسلميش ..اقتلى ابوكى

   مش عارفة

   لو صعب اقتلى خالتك

   انا ارتحتلك قوى ..كأنى عارفاك من 18 سنة

   ونا كمان

   انت حساس قوى

   ونا كمان ..اقصد ..ونتى كمان

   معلش انا مضطرة اسيبك ..عايزة اعمل حمام !!!!!!

   يعنى هى حبكت معاكى

   معلش يعنى اعملها على روحى

   كنتى البسى حفاضة !

   معلش المرة الجاية يبقى معايا كدليز !!

   طيب انا حضيفك ع المسنجر

 ونا حضيفك على قايمة السذج والاغبياء..لأنى اسمى دعبس ومش بنت اساسا وساكن فى حى الجيارة يا بئف !!

   منا عارف من الاول يا ابن ال…………!!!

 

دى عينة من اللى بيحصل !!!

ولاد بشنبات على خلقتهم بيدخلوا يعملوا كدة …ليه …ايه السبب ؟؟؟

 

فضا…فراغ..بطالة…فتاكة ..خفة دم اوفر…خيبة بالويبة ..نيلة سودا على دماغهم!!!

 

وبنات تعمل العكس تدخل على انها ولد…قال ايه..عشان تعرف الولاد بيقولوا ايه وبيفكروا ازاى

فاغلبية البنات داخلة تستكشف العالم السرى للرجال ..او داخلة بشخصيتها الحقيقية عشان عندها نقص وعايزة تسمع كلام حلو – أو صايع – عشان يرفع معنوياتها !!

أو يمكن تطلع بعريس ..يبقى عز الطلب !!

وطبعا فيه مطلقات على بنات فاسخة خطوبتها على بنات منفصلة عن صاحبها وامهات كمان ! ساعات بيتكلموا على الكام وتلاقى بنوتة ظريفة بتتنطط ورا منها

 

مين دى يا كوكو….لأ دى بنت اخويا !!

 

حاجات بجد تقرف

 

ايه الهدف يا اخوانا من الهبل المتبادل دة ؟؟!!

 

ما بنشوفش العبط دة فى اى شات اجنبى ..كل واحد داخل باسمه الحقيقى ..وبسنه الحقيقى..وبوضعه الحقيقى على كل المستويات

 

مفيش واحدة تبقى من بولاق بتجرى ورا عربية الرش ..وتدخل على الشات وتسمى نفسها انجى من المعادى..وبابا سفير ..وماما دكتورة جامعة !!

 

مفيش كمية الكذب دة كله ..ابدا

 

فيا اما البنت تبقى واضحة وصريحة ومحترمة فى الموضوع

يا اما تنساه و وتعملها حاجة تنفعها فى دنيتها ولا اخرتها

وتريحنا

وتريح نفسها من الموال دة كله !!!!

 

والى لقاء

عادل حجازى

10-4-2008

أضف الى مفضلتك

• 
• 
• 
• 
• 
• 
• 
• 
• 
• 
• 

ـــــــــــــــــــــــــــــــــــــــــــــــــــــــــ
تحرير الإدراج التصنيفات : المستهبلات فى امها | السمات:كذب, ولد, محترمة, مطلقات, مصر, اولاد, الكويت, الهدف, المستهبلات فى امها, المعادى, امهات, اجنبى, بولاق, بنات, بنت, شات
أرسل الإدراج  |   دوّن الإدراج  

45 تعليق

45 تعليق على “المستهبلات فى امها " البنات والشات "”

1. أبو أيمن قال:
   أبريل 10th, 2008 at 10 أبريل 2008 5:14 م
   أحسنت صنعا
   
   تابع وفقك الله
   
   أدعوك للتواصل فلدي مواضيع رائعة عن العالم العربي
   
2. عادل حجازى قال:
   أبريل 10th, 2008 at 10 أبريل 2008 5:17 م
   شكرا لاطرائك سيدى
   وشكرا لمرورك الراقى
   تحياتى
   
3. AMEERA قال:
   أبريل 10th, 2008 at 10 أبريل 2008 5:45 م
   السلام عليكم
   اخى الفاضل
   
   هذا يحدث واكثر وسوء استخدام الموبايل وتكون ماشى بسيارتك فى الشارع وتلاقى ارقام الموبايلات هطلت عليك من شباك السياره مثل المطر
   الفراغ بكل انواعه
   
   فراغ فكرى
   
   فراغ عاطفى
   
   فراغ من العمل
   وكل ذلك يندرج تحت مسمى عدم التمسك بالدين
   قال رسول الله صلى الله عليه وسلم ( ان لم تستحِ فاصنع او فافعل ما شئت
   اتمنى زيارتى فى حديقتى ( مدونتى )
   أميييييييييييره
   
4. عادل حجازى قال:
   أبريل 10th, 2008 at 10 أبريل 2008 5:47 م
   شكرا اميرة
   وثوانى هكون على مدونتك !!!
   تحياتى
   
5. عاشــــــقة الورد قال:
   أبريل 10th, 2008 at 10 أبريل 2008 7:08 م
   الاخ عادل…
   
   انت صريح اوي ليييييييييييييه هههههههههههههه
   
   المهم ادراجك رائع جدا جدا جدا …
   
   وتعرية لواقع النت من مجاميعه…
   
   حلوة اوي التشكيلة الفنية الي في الادراج…
   
   كل شيء في المدونة مختلف ومميز ….
   
   المهم من الآخر كده مدونتك عجبتني كثيرا
   
   عاشقة الورد من مصر الجديدة هههههههههههههههههه
   
6. عاشــــــقة الورد قال:
   أبريل 10th, 2008 at 10 أبريل 2008 7:09 م
   نسيت اقولك
   
   انت مميز اخي
   
   تقديري واحترامي
   
7. Your perfect mistake قال:
   أبريل 10th, 2008 at 10 أبريل 2008 7:19 م
   عجبني تعليقك على الكابتن ابو ايمن
   
   و عجبتني مدونتك .. كل الناس بقوا مستهبلين في امهم اليومين دول
   
8. نور محمد قال:
   أبريل 10th, 2008 at 10 أبريل 2008 10:03 م
   ههههههههههههههههههههههه
   اسفه انى بدات تعليقى بضحكه
   لكن ادراجك جميل جدا ومميز
   وللاسف هو الواقع بس اعتقد انه مع ذلك الكذب كله الا انه تقريبا فى ناس صادقه
   اصله استحاله تكون نيتك كويسه وانت انسان ومتلاقيش اللى زيك
   الحمد لله على كل حال اللهم احفظنا ونجينا
   
9. الفرسان قال:
   أبريل 11th, 2008 at 11 أبريل 2008 10:10 ص
   اخي عادل
   
   اشكر لك مرورك واتوقع اننا نمش وراء العري ولن يلتفت معظم شبابنا الى اي من الشيخين .
   
   وبعدين … لماذا اغضب منك ؟
   
10. عادل حجازى قال:
    أبريل 11th, 2008 at 11 أبريل 2008 11:51 ص
    عاشقة الورد !
    صباح الورد
    اسعدتنى كلماتك - ونا فعلا اتعودت على الصراحة المميتة دى …ودة بيعملى مشاكل كتير فى حياتى …لكن دة طبعى ومش هغيره ..لأنى فخور بيه جدا
    الدنيا مش مستاهلة كذب وتمثيل !
    والصراحة راحة - على رأى الست مروى تحرش !!
    المهم
    شرفتينى بزيارتك الجميلة
    وفى انتظار جديدك دائما
    تحياتى
    
11. عادل حجازى قال:
    أبريل 11th, 2008 at 11 أبريل 2008 11:56 ص
    برفكت مستيك
    شكرا لمرورك الراقى
    وبالنسبة لمصر فهى اكبر بكتيييييييييييييييير جدا منى ومن اللى بيحاولوا يشوهوا صورتها
    وليا الشرف انى عشت عشان اكتب حرف عن بلدى
    اشكرك سيدى
    
12. عادل حجازى قال:
    أبريل 11th, 2008 at 11 أبريل 2008 11:59 ص
    الاستاذة نور محمد
    الطيبون للطيبات والخبيثون للخبيثات - فعلا استاذتى
    الطيور على اشكالها تقع
    اسعدتنى زيارتك
    وفى انتظار جديدك
    
13. عادل حجازى قال:
    أبريل 11th, 2008 at 11 أبريل 2008 12:01 م
    الاستاذة لوتس
    الخلاف لا يفسد للود قضية !
    وهختلف معاكى تانى !!!
    لأ الناس هتلف حوالين عمرو خالد ..ومش هتبص اساسا على هيفا !!!
    صدقينى
    
14. طاهر الصوفانى قال:
    أبريل 11th, 2008 at 11 أبريل 2008 3:02 م
    ههههههههههههههههههههههههههههه
    السلام عليكم ورحمه الله وبركاته
    جمعه مباركه يارب عليكم
    وعلي كل المسلمين
    والموحدين
    دومتم بخير لي عوده للتعليق
    
15. عادل حجازى قال:
    أبريل 11th, 2008 at 11 أبريل 2008 5:07 م
    الاستاذ طاهر
    مرحبا بك
    وفى انتظار تعليقاتك !!
    مساءك جميل ورائع - باذن الله
    
16. raeda_2008 قال:
    أبريل 11th, 2008 at 11 أبريل 2008 5:16 م
    أخي الكريم
    
    شكرا لزيارتك الكريمة
    
    بالنسبة لموضوعك الحكي صحيح ويمكن بصورة أوحش
    
    لأننا دائما نأخذ سيئات التكنولوجيا ونترك الحسنات
    
    عموما من الفراغ الحاصل عند الشباب وقلة الوازع الديني
    
    دمت بخير
    
17. Linda قال:
    أبريل 11th, 2008 at 11 أبريل 2008 6:22 م
    مســـــــــــاء الخير
    والله عادل الذي يكذب
    
    لا يكذب الا على نفسه…
    أما بالنسبه لغرف المحادثه
    
    نعم هناك البعض الذين ينفسوا عن غبائهم
    
    بتلك الصوره…وبرأيي المشكله في أدمغتهم..
    ولكن هناك الكثير أيضا ممن يكون لهم هدف بناء…
    سعدت بتواجدي هنا…
    تحياتي واحترامي
    
18. مولاي عمر قال:
    أبريل 11th, 2008 at 11 أبريل 2008 11:05 م
    في 11,نيسان,2008 - 01:43 مساءً, Adel Hijazi كتبها …
    
    ادهشنى هذا التعبير
    “”من يرحم هذا المحارب العائد دوما
    إلى حربه بلا أمتعة “”"
    افهم المك وحيرتك - واحترمها - لكن تعبيرك الادبى لم يصلنى !!
    المحارب هنا عائد الى معركة الحياة بلا امتعة ؟؟؟!!!
    كان الاولى ان تقول بلا اسلحة
    منطق الفكرة كان يقود حتما الى هذا اللفظ !!
    
    ————————————————-
    
    العزيز عادل
    
    شكرا لمرورك الجميل و لتعيقبك القيم و دقة ملاحظتك و التي تعبر عن ثقافة و فكر ثري
    كل الحروب تحتاج الى أمتعة
    
    و متاع الحرب لا يقتصر على السلاح فقط بل يتعدى ذالك الى ما هو مادي و معنوي و أهمه الذات الانسانية
    
    فليس من العقل الدخول في حرب بلا سلاح بلا دعم بلا مؤونة بلا خطة
    
    و هؤلاء على بعض أمتعة
    
    مجازيا
    
    من يرحم هذا العائد الى حربه دوما بلا أمتعة
    
    و الرحمة رمز للأمل في ايجاد الأمتعة ليخوض حربه
    
    أتمنى أن تتفهم فكرتي
    الاختلاف مقبول فهو سنة الحياة و الاختلاف رحمة بالناس
    سررت بالتعرف على مدونتك المميزة و القيمة
    
    تحياتي و قديري اليك
    
19. drreyad قال:
    أبريل 12th, 2008 at 12 أبريل 2008 2:16 ص
    اسمح لى اقول لك …
    يخرب عقلك يا استاذ عادل …
    ايه الجمال ده ؟
    انت فاتح انترنت كافيه و الا ايه ؟
    ادراجك فى غاية الواقعية …. و الحوار من قلب اللى بيحصل فى المصيبة دى فعلا ….
    هى دى ضريبة التكنولوجيا …. كل تقدم ممكن يستخدم فى الخير و الشر بنفس الدرجة …
    الظاهر انى مضطر اقول ان بعض التكنولوجيا الجديدة كان بدرى عليها فى مجتمعنا ….. و ان شبابنا لسه مش مؤهل يستغلها صح ….. و الا بلاش اكمل رأيى لحسن ندخل فى الموضوع اياه تانى …. لكن بجد ايه رأيك فى الاحصائية اللى بتقول ان عدد الموبايلات فى مصر اكبر بكتير من عددها فى معظم الدول الاوروبية ؟؟؟
    و بعدين نشتكى من الازمات ؟
    يا ترى مين وراهم ؟؟؟؟؟
    تقبل تحياتى
    
20. ليالي و حنان قال:
    أبريل 12th, 2008 at 12 أبريل 2008 6:44 ص
    :
    
    عادل حجازي
    تحية طيبة عطرة مباركة
    بنات الشات ,,,,, لما الوقت يتقتل و الروح تذبح و نعيش بلا هدف
    يبقى أظن أن النتيجة سوسو و توتو و كوكو ، و الواد يطلع بنت و البنت تطلع واد
    يا ريت لو أننا نصدق مع انفسنا ، و نصدق مع الآخرين
    تقبل احترامي
    
21. محمد حماد قال:
    أبريل 12th, 2008 at 12 أبريل 2008 10:02 ص
    أفرجوا عن إسراء..
    
    وعن سجناء الضمير..
    
    لا تفتشوا عن شماعات تعلقون عليها فشلكم المتوالي، لا تذهبوا بعيداً في إلقاء التهم جزافاً بغير دليل في وجه كل شيء، وكل أحد غير خيبتكم، هي وحدها هي المسئولة عن انفجار الأوضاع، وما أحداث المحلة إلا جرس إنذار يحذر من فوضى عارمة توشك أن تنفجر، وتضع مصر في مهب ريح عاتية.
    
    العيشة الطين التي يحياها الناس ليست مسئولية إسراء، ولا جورج اسحق مسئول عن تحويل مصر الى بلد أواني الطهي الفارغة كما وصفت حالنا مجلة ألمانية.!
    وأنتم أيها الأخوة والأخوات من المدونين والمدونات
    
    أرجوكم تضامنوا مع إسراء عبد الفتاح..
    
    تضامنوا مع أنفسكم، كل بطريقته..
    
    ولكن لا تنسوها فهي اليوم في السجن فقط لأنها قالت رأيها بحرية..
    
22. عاشــــــقة الورد قال:
    أبريل 12th, 2008 at 12 أبريل 2008 12:43 م
    اخي عادل
    
    مررت لارى جديدك …بجد مدونتك تطرح الواقعية بشكل خفيف الظل مختلف جدا….
    
    المهم مرور سلام وتحية …
    
    تقديري
    
23. أبو أيمن قال:
    أبريل 12th, 2008 at 12 أبريل 2008 3:24 م
    بسم الله الرحمان الرحيم والصلاة والسلام على أشرف المرسلين.
    
    وبعد،
    
    لقد تأسفت كثيرا لطريقة الردود التي تلقيتها بسبب الموضوع الذي أدرجته حول تأثير الإعلام المصري في شبابنا المسلم وفي هزيمة العرب…فقد كنت فقط أحاول تشجيع إخوتي في مصر الغالية على محولة تغيير توجه الإعلام المصري بكتباتهم…فإذا بي أتعرض لشتى أنواع الشتم التي لا تعبر عن أخلاق المسلمين. بل بلغ بالبعض الأمر إلى اتهامي يالكفر فلا حول ولا قوة إلاّ بالله وحسبي الله ونعم الوكيل.
    
    والله يشهد على أنّ حبي لله وللإسلام وفلسطين ورأفتي بأطفال ونساء فلسطين هي التي دفعتني لكتابة ما نشرت.
    
    وأنا لن أرد على من شتمني بالمثل، بل سأقول اللهم اغفر لهم واهدهم واغفر لي فإننا إخوة فيك يا رب العالمين.
    
    فالمعذرة يا أخي وأختي في الله إذا جرحتك دون قصد وأقسم أني أحبك في الله.
    
    أخوكم الضعيف المحتاج لعطف الله : أبو أيمن.
    
    
24. ريما الشيخ قال:
    أبريل 13th, 2008 at 13 أبريل 2008 12:15 ص
    لن اقول الكثير
    
    ابتسمت وانا أقرأ
    
    اتمنى لك كل التوفيق اخي عادل
    
25. adel hijazi قال:
    أبريل 13th, 2008 at 13 أبريل 2008 11:25 ص
    الراقية ام ليث
    تشرفت بوجودك سيدتى على مدونتى المتواضعة
    دمتى بألف خير سيدتى
    
26. عادل حجازى قال:
    أبريل 13th, 2008 at 13 أبريل 2008 11:27 ص
    الاساتاذة لندا
    شكرا لمرورك الكريم
    تحياتى
    
27. عادل حجازى قال:
    أبريل 13th, 2008 at 13 أبريل 2008 11:29 ص
    مولاى عمر
    شكرا لاسلوبك الراقى - وتشرفت بزيارتك الكريمة
    وفى انتظار جديدك
    
28. عادل حجازى قال:
    أبريل 13th, 2008 at 13 أبريل 2008 11:32 ص
    الدكتور محمد رياض
    يا ريت يبقى عندى انترنت كافيه - مكنتش اشتغلت زنجى ..اقصد..محاسب قطاع خاص !!
    سعدت لتواجدك الجميل ..سيدى!
    وموضوع الموبايلات هتقراه قريب باذن الله - على فركشة - بس مش حديلك حقوق ملكية فكرية .. عشان انا فكرت فى الموضوع دة قبل منّك
    ههههههههههه
    صباحك سكر !!
    
29. بيبو قال:
    أبريل 13th, 2008 at 13 أبريل 2008 11:34 ص
    أستاذى الفاضل ومعلمى الأستاذ عادل حجازى
    
    بعتذر عن عدم قرائتى لمدونتك لفترة قصيرة ودة ممكن يكون مزعلك انا أعتذر عن ذلك ولكن انت عارف ان ده كان غصب عنى . والله يا كبير اللى انت ذكرته فى المدونة الجميلة دى شىء بسيط جدا من اللى بيحصل على الشات المهبب ده بس والله اللى مطمنى على ان لسة فى ناس محترمة فى الدنيا زى اللى ردوا عليك دول والله دى باقت مهزلة وبالذات على الشات الخليجى . خلوا ايه للأجانب اللى معندهمش حياء اخر قلة ادب وسفالة تقريبا الأدب لما كان بيتوزع على الناس معداش عليهم . وكدة كفاية وأنا كدة متأكد انك فهمت اللى انا عاوز اقوله لأنك بتيجى على الجرح اللى عند الناس وبتضغط بكل شدة “الله يكرمك ويديك الصحة” . والى اللقاء . تلميذك بيبوووووووو
    
30. adel hejazi قال:
    أبريل 13th, 2008 at 13 أبريل 2008 11:37 ص
    ليالى وحنان
    فعلا سيدتى ..هى ارواح ضائعة تائهة لاتدرى ماذا تفعل بأثمن ما تملك..الوقت !!
    شكرا لمرورك الراقى …تحياتى
    
31. adel hijazi قال:
    أبريل 13th, 2008 at 13 أبريل 2008 11:41 ص
    الاستاذ محمد حماد
    الشرف والمجد لاسراء - ولكل من قال ويقول كلمة الحق فى زمن الباطل !
    والشكر العميق لقلمك الذى يذّكرنا بالشرفاء
    تحياتى
    
32. عادل حجازى قال:
    أبريل 13th, 2008 at 13 أبريل 2008 11:43 ص
    عاشقة الورد
    شكرا لكلماتك المشجعة
    وفى انتظار جديدك
    
33. عادل حجازى قال:
    أبريل 13th, 2008 at 13 أبريل 2008 11:52 ص
    الاستاذ ابو ايمن
    بكل المحبة والصدق و ال..
    الهدوء !!
    انفعالى فى التعليق على ما كتبته فى مدونتك - رد فعل فطرى وتلقائى - واعتقد اننى لم اتجاوز فى حق اى احد !
    لقد كتبت الحقيقة المجردة والتاريخ الذى يعلمه الجميع - ولكن البعض لا يروق له الاعتراف بهذا التاريخ ..ولا بالدور المصرى من الاساس !!
    وبالفعل
    اعلامنا المصرى بحاجة الى ” عمرة ” - اى اصلاح شامل بلغة المهنيين
    وذلك موضوع طويل و معقد .. واعدك بالكتابة فيه باستفاضة فيما بعد
    لكن سيدى !
    انا ضد خلط الاوراق كلها - كما فعلت !
    وضد التبسيط والاختزال !
    واخيرا
    بكل الود
    وبكل الصدق
    ارجو منك الاطلاع - جيدا - على مدونتك - وحذف ما هو غير لائق من الموضوعات ايّاها !!
    فلا يمكن ان يكون احد تصنيفاتك صور سكس - ثم تقول انك ترجو عطف الله !!!
    ولو كنت اعلم ايميلك لبعثت اليك بهذا - لأننى لا اتباهى بانتقادك علنا
    فكلنا ذنوب وخطايا
    عفا الله عنّى وعنك و عن الجميع !!
    وتقبل تحياتى الصادقة - المخلصة -
    
34. عادل حجازى قال:
    أبريل 13th, 2008 at 13 أبريل 2008 11:54 ص
    ريما الشيخ
    دامت ابتسامتك !
    وشكرا لمرورك..وفى انتظار الجديد من موهبتك !!
    تحياتى
    
35. محمود سعيد قال:
    أبريل 13th, 2008 at 13 أبريل 2008 1:43 م
    ماشاء الله عليك ياخي
    
    ولا يسعني بعد المقال الرائع ان اقول ربنا يحميك
    
    ويوفقك فيما يرضاه
    
    تعجز الكلمات على الثناء على هذا المقال وذلك لانه اقل مايوصف به انه ابداع بمعنى الكلمة
    
36. عادل حجازى قال:
    أبريل 13th, 2008 at 13 أبريل 2008 1:45 م
    اخى الجميل محمود السعيد
    دامت اخوتنا فى الله الى الابد يا صديقى
    كل محبتى واحترامى
    عادل
    
37. شمس قال:
    أبريل 13th, 2008 at 13 أبريل 2008 10:49 م
    السلام عليكم و رحمه الله و بركاته
    حدث ان انتهجت اداره مكتوب معى نفس ما حدث مع اخوانى السابقين من منعى من دخول مدونتى و هو جريمه بحق و فى حق كل مدون شريف
    فللاسف هم يقومون بما يملى عليهم
    للاسف هم لا يحبون الابداع و لا الخير
    هم مدعى الفكر و هم فى الحقيقه ليس كذلك
    و باخلاق الفرسان الذين لا يياسوا ساعود لا من مكتوب و لكن من اخر ان لم تستجب مكتوب لنداء الحق
    http://tarek-wagdy.maktoobblog.com/
    منتظر تضامنكم مع الحق
    م : طارق وجدى
    ارجو التعاون مع م. طارق وجدى
    الحريه للجميع حق يكفله الدستور
    بس والله عجبنى فيك إنك دغرى
    كلماتك فى الجون
    وبجد ما ينفعش غير كده
    تحايتى
    
38. هيثم ابوخليل قال:
    أبريل 14th, 2008 at 14 أبريل 2008 12:24 م
    جامده يا حاج عادل وفي الجون
    أرجوا المعذرة علي عدم التواصل ….
    لأن هناك مشكلة في مكتوب …
    ولم يستطيع الكثير من المدونين وأنا منهم ..
    التسجيل والدخول أصلاً لمدوناتهم ..؟؟؟!!!
    نناشد القائمين علي مكتوب مراعاة هذه المشاكل التي كثرت في الأونة الأخيرة من عدم
    إمكانية التسجيل وكذلك عدم تحميل الصور وعدم التسجيل والدخول في بعض
    المدونات …
    مع فائق التحية …
    
39. شهرزادwsn قال:
    أبريل 14th, 2008 at 14 أبريل 2008 8:13 م
    يا لله أنا حطيت يدي على ارسي ايش هذا
    يا ربي ارحمنا
    شباب عاطل تافه تافه تافه
    تسلم أخوي حجازي
    مدونتك جميلة
    احترامي
    
40. عادل حجازى قال:
    أبريل 15th, 2008 at 15 أبريل 2008 10:16 ص
    شهزاد
    تسلمى - ويسلم اهل السعودية الكرام
    ارق تحياتى
    وصباح جميل !
    
41. yasmeena قال:
    أبريل 21st, 2008 at 21 أبريل 2008 5:14 م
    كلامك واقعى بس فى ناس الشات بالنسبة لهم محيط اجتماعى خاصة لو كان ربنا كتب عليهم الغربة لبعض الوقت. الدوافع مختلفة وصنوف البشر كمان . تحياتى
    
42. عادل حجازى قال:
    أبريل 21st, 2008 at 21 أبريل 2008 5:18 م
    ياسمينا
    اهلا بيكى فى المدونة
    ونفى الله عنك الغربة - واؤيدك ان هناك من ( يفهم ) و( يستوعب ) المعنى الحقيقى للشات !
    دون زيف او كذب او تجاوزات من اى نوع !!
    احييك
    واسعدنى تواجدك
    
43. د/شيرين الالفى قال:
    أبريل 22nd, 2008 at 22 أبريل 2008 5:57 ص
    ربنا يكرمك والله عندك حق انا ساعات بحس انى من اهل الكهف احنا مكناش كده الواحده منا اول راجل تعرفه هو جوزها ولما اجى انصح البنات قرايبى اللى اصغر منى تلاقيها مستغربه جدا كلامى سبحان اله ربنا يهدى بناتنا وشبابنا يارب.
    
44. زهرة الامل قال:
    أبريل 30th, 2008 at 30 أبريل 2008 8:27 ص
    ما بعرف ليش هالمواضيع هاي بتعجبني
    
    لأنو اشي مقرف فعلا
    وشفت كتير مصايب وكتير عجايب من اللي يااهم
    بس يا اخ عادل
    
    احنا اتكلمنا بسخرية
    
    ماشي؟ بس ايش راح نستفيد,,,
    
    بدنا اشي واقعي يحل كل هالازمات اللي بتصير لشباب امتنا وللبنات
    
    بدنا اشي يغسل مخهم من كل هالتخابيص وكل هالعفن اللي معشش في المخ تبعهم
    
    الكلام اللي انت بتمتبه او انا بكتبه او حد بيكتبه هون
    
    صدقني ما حد بيقرأه غير المثقفين
    
    اما اللي بيدوروا على التفاهات قليل راح تلقاهم بيقر أوا شي يفيدهن او يخليهم ينضربوا على ألبهم ويستحوا شوي من تصرفاتهم
    
    بدنا شي يهز كيان كل العقول لحتى يوعوا ويعقلوا
    
    انا بظن انو بدنا حرب قوية ,,, لحتى تصحى البشر
    مواضيعك بستحق القراءة والوقوف عليها يا عادل,,,,, كلام الواقع بسخرية لاذعة
    
45. حمدى على قال:
    أكتوبر 5th, 2008 at 5 أكتوبر 2008 9:27 م
    اخى وصديقى العزيز عادل حجازى
    
    انا فعلا مبسوط بكل كتاباتك الرائعة واحييك عليها جدا والتى عهدتها فيك منذ بداية صداقتنا معا واقول لك لسه الدنيا بخير لان لسه فى ناس ايجابية وناس بتعترض وناس ما بتقبلش الاوضاع الغلط مهما حصل ودينا الحنيف بيامرنا بدا وافكر بكلمة جميلة اوى ليك ولكل السادة القراء … الليل مهما كان طويل وظلام الفجر بكره يطلع وينور الدنيا بنو رالحق
    
    لك كل تحياتى وشكرى اخوك وصديقك من الغربى …..حمدى