فَهّمُوه..يا سادة !! ( شعر غنائي )
فَهّمُوه..يا سادة !! ( شعر غنائي )
كتبهاعادل حجازى ، في 13 سبتمبر 2011 الساعة: 23:00 م
بيقولولي ..حزين
ودموعه مالْيه العين
وبيسأل كل واحد
فين طريقه منين ؟!
بقى بعد غياب سنين
معقولة جاى له عين
القاسي ابو قلب جاحد
يسأل انا رُحتْ فين ؟!
رُحت أعيش مع قلب تانى
قلب مخلص موش أنانى
وف منتهى السعادة !
قولوله لوّ ندمان وباقى
إنّى موش فاكراه نهائى
فَهّمُوه..يا سادة !!
أيّام وعدّت وانتهى
دى حكاية آخدت وقتها
وكل ذكرى ..فى قلبي ليه
فرحانة إنّى قتلتها !
لا ادّارى يعنى ولا انكسف
وبكل جرأة وللأسف
بيقول حبيبتي ..وهوعارف
كل شىء بينّا اتنسف !
فَهّمُوه..يا سادة !!
…….
فَهّمُوه..يا سادة !!
هو كان فاكرني لعبة ..
بريموت كونترول ؟!
مِلْكْ ايدُه وتحت أمرُه
لو فاضي أو مشغول
شوف كده وفكّر شويّه
وقول كلام معقول !!
أيّام وعدّت وانتهى
دى حكاية آخدت وقتها
وكل ذكرى ..فى قلبي ليه
فرحانة إنّى قتلتها !
لا ادّارى يعنى ولا انكسف
وبكل جرأة وللأسف
بيقول حبيبتي ..وهوعارف
كل شىء بينّا اتنسف !
فَهّمُوه..يا سادة !!
…..
فَهّمُوه..يا سادة !!
إنّه موش سلطان زمانُه
والكون ماهُش بايديه
والكُل موش مخلوق عشانُه
فيه ناس كتير حواليه
وانّه بغروره ضاع مكانه
من اقرب حَدّ ليه !!
أيّام وعدّت وانتهى
دى حكاية آخدت وقتها
وكل ذكرى ..فى قلبي ليه
فرحانة إنّى قتلتها !
لا ادّارى يعنى ولا انكسف
وبكل جرأة وللأسف
بيقول حبيبتي ..وهوعارف
كل شىء بينّا اتنسف !
فَهّمُوه..يا سادة !!
عادل حجازى
ـــــــــــــــــــــــــــــــــــــــــــــــــــــــــ
تحرير الإدراج التصنيفات : شعر غنائى | أرسل الإدراج | دوّن الإدراج
اكتب تعليــقكالسلام عليكم و رحمة الله و بركاته
تسمع فيروز ؟!
هنا
تعليقات
إرسال تعليق