يلّى غدرت بقلبى ( شعر غنائي )
يلّى غدرت بقلبى ( شعر غنائي )
كتبهاعادل حجازى ، في 4 مارس 2010 الساعة: 17:56 م
يلّى غدرت بقلبى
اسمع منّى كلام
لا قُربك ولا بُعْدك
هيصلّح ..أوضاع !
يلّى غدرت بقلبى
اسمع منّى كلام
مش حاقدر ارجعلك
فعلا حبّك ..ضاع !
يلّى غدرت بقلبى !
الأيّام ياما بتعلّم
حاجات صعبة كتيرة
ونت هواك غلطة عمرى
الأولى و الأخيرة
بُكرة تشوف ياما ف دُنياك
لمّا أبعد عنّك و أنساك
بُكرة تحس ّ بنار ..جوّاك
يلّى غدرت بقلبى !
انا دلوقتى بعيش بعدك
من غير أحزان وحيرة
منا مش حفضل أعيش عمرى
فى ذكريات مريرة !
مش هدّيلك تانى أمان
بعد ما قلبك باعنى وخان
مهما تقول انك ندمان
يلّى غدرت بقلبى !
عادل حجازى
ـــــــــــــــــــــــــــــــــــــــــــــــــــــــــ
التصنيفات : شعر غنائى | السمات:arabic lyrics translation, arabic music, arabic music lyrics, arabic song, arabic song lyrics, arabic to english, arabic translation, lyrics arabic songs, lyrics in arabic arabic songs
أرسل الإدراج | دوّن الإدراج
18 تعليق على “يلّى غدرت بقلبى ( شعر غنائي )”
اكتب تعليــقكالسلام عليكم و رحمة الله و بركاته
تسمع فيروز ؟!
مارس 7th, 2010 at 7 مارس 2010 9:46 ص
لحضور مهرجان الشعراء وكتاب القصه
يوم 12 و13 و14 /3
القاهره
حلمية الزيتون
شارع سليم الاول
بجوار مستشفى العظام العسكرى
تحياتى
اكرم
مارس 8th, 2010 at 8 مارس 2010 12:15 م
بس عاوزكم تساعدوني
مارس 12th, 2010 at 12 مارس 2010 8:55 ص
جمعة مباركة
تقبل الله منك صالح الأعمال
دمت بخير وسعادة
تحياتي ومودتي
مارس 13th, 2010 at 13 مارس 2010 5:52 م
مساء الخيرات
كلمات رائعة كعادتك في الشعر الغنائي
سلمت يداك
سعيدة بوجودي هنا حيث الصدق
كن بخير دوما
مارس 14th, 2010 at 14 مارس 2010 3:08 ص
كن بخير
وقريب من الله
مارس 14th, 2010 at 14 مارس 2010 3:09 ص
الشعر
ما اجمل لشعر
مارس 15th, 2010 at 15 مارس 2010 8:42 ص
“”
عادل سعيد قال:
مارس 14th, 2010 at 14 مارس 2010 4:06 م تحرير
الأخ عادل
ابن عم حجازى
شوف يا خال
عندك فى مصر فقط بلاش نوسع الدايرة حوالى تلاتين ألف مدونة
لو كل مدونة ليها عندك دبيحة
بلاش عجل و لا ناقة
جدى
يبقى تلاتين ألف فى ستمائة
أحسب انت بقى يا خال
“”
“”
مارس 15th, 2010 at 15 مارس 2010 8:44 ص
“”
عادل سعيد قال:
مارس 14th, 2010 at 14 مارس 2010 4:11 م تحرير
شوف يا خال
الكلام ده موش علشان سعدية البكرية اللى جنب الفرن
و لا عم سيد البواب و لا حتى عم سيد خال شحتة اللى شغال مع رءوف بيه
الكلام ده لناس عندها قدرات
و موش تستغلها
طبعا الفطرة و الموهبة مهمة
و فيه ناس مقودة دايما و لكنها موهوبة
ممكن نوجهها و ننميها
مارس 15th, 2010 at 15 مارس 2010 8:44 ص
مارس 15th, 2010 at 15 مارس 2010 8:35 ص تحرير
و كمان يا عم عادل …
موش عاجبك الناس تدفع 750 جم و أنت تعرف المحاضرة
لا كمان تسمعها و تتفرج عليها ع الجاهز
يا عم اتق الله
شوف يا أستاذنا
لا يتقدم أى مجتمع إلا بالتنمية البشرية
و على كل مستوى
يعنى ممكن الست شلبية تقوم بعملها بصورة أحسن و تنتج أكتر و تبيع عشرة كيلو جبنة قريش بل خمسة كل يوم
و ف الأخر أنتاج للمجتمع قبل مصلحة لشلبية
و أطلع لفوق بقى بالخط ده لغاية ما توصل للقائد اللى حضرتك بتقول عليه
صباحك ورد
مارس 15th, 2010 at 15 مارس 2010 8:45 ص
و شوف يطلع عليك كمان
و لما نتقابل نبقى نتحاسب
مارس 15th, 2010 at 15 مارس 2010 9:51 ص
شكرا على دعوتك لحضور هذا المهرجان الشعرى
وأعتذر عن الحضور لأسباب خاصة
شكرا أخى
مارس 15th, 2010 at 15 مارس 2010 9:54 ص
خلّيك فى اليمن ..اوعى تهوّب ناحية مصر !
قال رئيس قال
اجرى يا ابنى شوف لك لعبة تانية
مع السلامة !
مارس 15th, 2010 at 15 مارس 2010 9:58 ص
صدقينى الغدر ..قاتل للغادر…لا للمغدور !
تحيّاتى
مارس 15th, 2010 at 15 مارس 2010 10:01 ص
أشعر بالفرح دائما لرؤية اسم جديد فى أسماء من شرفت بتعليقهم على مدونتى
شكرا لزيارتك واهلا بك دائما.
مارس 15th, 2010 at 15 مارس 2010 10:27 ص
………..
اولا صباحك فل …مبدئيا !
ثانيا
شكلك فهمت تعليقاتى على نحو غير ما اقصده .. تعليقك فيه اتهام ضمنى ان انا قلت جمهور المدونات - القرّاء يعنى - ناس فى الطرواة ومالهمش فى الحاجات الجادة ..ومش هيستوعبوا موضوعك الاخير ..بتاع العادات السبع لتصبح الشخصية الفلتة ..للبروف الامريكانى ..ستيفان ابن اونكل سام ..اقصد..كوفى !
شوف استاذى
جمهور مدونات مكتوب ..فى معظمه ..وكثرته الكاثرة ..من ابناء الطبقة المتوسطة ..او ..اللى فوقيها بشويّة صغننة !!
والناس دى معظمها بتدخل على النت فى الشغل ..او ..وصلة من اى سايبر ابو 20 ولا 30فى الشهر ..او راوتر و45 جنيه واتصفح يا نجم ..او ابو 90..والعمارة كلها مشتركة فيها
طبعا انا بتكلم على مصر !!!
الناس دى ..لا هم ولاد بابى ومامى ..ولا ابويا وامى ! ب
توع بابا وماما !
اما بقى جمهور الهاى فايف ..فدى ناس ..بتكتب العربى بالانجليزى ..وصواريخ فى الانجلش ..عشان معظم التشات بتاع معاليهم مع اليساندرا من اسبانيا ..وجينفر من الاباما ..وكريستين من نيويورك ..وجون من هونولولو !!
ناس بتسمع بيونسيه وليدى جاجا وتايلور سويفت وريهانا …مش شيرين وانغام !
ناس بتتابع كل ماتشات مانشستر والريال ..مش الاهلى والزمالك !
الناس دى حتقدّر قوى قوى قوى مستر ستيفان كوفى ..مش ابراهيم الفقى !
بالتالى ..انا ما اهنتش حد من قراء مكتوب ..ومش مُطالب بديّة.. لقتلهم المعنوى ببلطة تعليقى فى مدونتك !!
الناس دى ..همّ اللى انا فاتح المدونة دى عشانهم لحد دلوقتى
دول أصدقائى وأحبابى الذين أتشرف بمعرفة عدد لا يتعدّى العشرين منهم ..وللأسف لا أعرف الباقين ممن منحونى أغلى ما يملكون …جزءً..من أعمارهم ..وهم يتصفحون إدراجا لى !
شرف لى ..لا أملك أمامه إلا كل محبة واحترام .
دى نقطة !!
……….
النقطة التانية
انا مش معترض على ال 750 جنيها ..دة بزنس..وفيه ناس بتدفع !
انا راجل شاطر ..بجيب اللى انا عاوزه من على النت !
وستيفان كوفى نفسه ..سايب حاجته مجانا على مواقع لا تحصى !
والناس دى ما بتهزّرش فى حقوق الملكية الفكرية !
ومسألة القرصنة الالكترونية - وهى تستحق نقاشا مطوّلا - تختلف جذريا بين ما يحدث ليدنا فى مصر ..والعرب عموما , وما يحدث فى امريكا وأوربا !
هنا القرصنة يعنى خراب بيوت ..لصناع السينما والدراما ودور النشر هناك ..دعاية ..تأتى بمزيد من الأربح والمبيعات للمُنتج !
مثلا
رواية دان براون الأخيرة - الأكثر مبيعا فى العالم 2009- الرمز المفقود ..كانت متاحة على النت مجانا من أول يوم !
طبعة الكترونية ..pdf
وكذلك نسخة مسموعة ..audiobook
وقس على ذلك فى شتى المنتجات الثقافية ..كتب واسطوانات وخلافه .
دى نقطة أخرى !.
…………..
التنمية البشرية ..مهمة ؟
جدا !
لكن …لن تجعل المقود قائدا !
أبدا
وشخصيا ..أقرأ بنهم شديد فى كتب التنمية البشرية ..ولا أنسى ما حييت , كتابا صغيرا ( للجيب ) , من سلسلة كتابى للراحل حلمى مراد , اسمه : فن الحياة ..للكاتب الفرنسى أندريه موروا
كتاب فذّ
قرأته عشرات المرّات بلا مبالغة , وهو يتكلم عن فن التفكير , الزعامة ,الزواج , الشيخوخة, القراءة والاستذكار ..وغيرها ! كتاب ..غيّر حياتى ! فقط ..أستاذى ..كنت أداعبك بموضوع جارتى الست محضيّة !
بس بجد تفتكر رد فعلها كان حيبقى ايه ؟!! ههههههههههه
……….
تحياتى الدائمة أستاذى الجميل .
مارس 16th, 2010 at 16 مارس 2010 11:41 م
إن شاء الله لي عودة
جزاك الله خيرا على الزيارة
أبو الفرقد
مارس 17th, 2010 at 17 مارس 2010 10:44 ص
الحقيقة هى مكانتش زيارة لمدونتك !
انا لقيت ادراج هو الأكثر تعليقا ..عن مدونة اسمها رولا العمر
وادراج مليان انتقاد لشخصها …وبصدق ..لم أكن اعرف الاسم ..فمن باب العلم بالشىء ..طلبت منك ان تحكى لنا عنها !
وهذا ليس معناه أننى أؤيد ما كتبت بشأنها
ولا يعنى تجاهلى لمدونتها
وللآن ..لا أعرف أصل و فصل الموضوع !
وإن كنت أتوقع المضمون ..!!
تأويل تكفيرى من جانبك يخرج الأخت رولا من الملّة ..!!
أو ..يقترب من ذلك !!
هذا شىء معتاد من جانبك !!
هدانا الله و إيّاك !!
وأهلا بك فى مدونتى فى كل وقت ..دون أن تطلق قذائفك التكفيرية فى وجهى..أو وجه أى مدوّن آخر
!!!!!!!!!!
مارس 21st, 2010 at 21 مارس 2010 9:34 م
الغدر من روائع الشخصية الإبداعية فهو او هى تبدع فنوناً مذهلة لا يتوقعها الطرف الآخر مطلقاً سوى فى كوابيسه
فمتبرع مشكور يقوم بإعطاءه صفعة تقلب اوراقه رأساً على عقب ببرودة متناهية وربما يظل يتسائل عن هذا الوهم الذى بدل أحوالك .. براءة مفرطة
بالمناسبة ردك عن موضوع التنمية البشرية أعجبنى رغم إنى لا أعرف موضوع الإحتدام إلا أن من يكتب يمتلك مساحة كبيرة من المشاكل داخله يقذف بها للورق ومن لا يعرفها لايكتب أصلاً !!
تحياتى