فى يوم (شعر غنائى )
فى يوم (شعر غنائى )
كتبهاعادل حجازى ، في 22 يوليو 2008 الساعة: 14:52 م
فى يوم ولا كان ف بالى
وف ليلة من الليالى
صوتها الفرحان ندالى
وقالتلى انا معزوم
بكره حفلة زفافها
ع الفارس اللى شافها
وف ثانية جه وخطفها
من قلبى انا المهزوم
انساها خلاص ياقلبى
وبلاش حزن وآهات
بكره الايام يا قلبى
هتعوّضنا اللى فات
سلّم …بقسمتك
وبلاش تبقى خيالى
فى يوم ولا كان ف بالى
وف ليلة من الليالى
………………
مخنوق فيّا الكلام
مخنوق فيّا السكات
مدبوح جوّايا قلبى
وكلام زىّ الآهات
هنّيتها ونارى فيّا
على فرحتها اللى جايّه
ودموعى مدّاريّة
بعذاب آخر لقى
……………….
مكتوب لينا الفراق
مكتوب لينا البعاد
مكتوب نفضل ياقلبى
عن أحبابنا بُعاد
ناسيانا ومش ف بالها
ولايوم كنّا ف خيالها
خلّيها بعيد ف حالها
وكفاية عذاب بقى
فى يوم ولا كان ف بالى
وف ليلة من الليالى
صوتها الفرحان ندالى
وقالتلى انا معزوم
بكره حفلة زفافها
ع الفارس اللى شافها
وف ثانية جه وخطفها
من قلبى انا المهزوم
ـــــــــــــــــــــــــــــــــــــــــــــــــــــــــ
تحرير الإدراج التصنيفات : شعر غنائى | السمات:شعر غنائى
أرسل الإدراج | دوّن الإدراج
9 تعليق على “فى يوم (شعر غنائى )”
اكتب تعليــقكالسلام عليكم و رحمة الله و بركاته
تسمع فيروز ؟!
هنا
يوليو 22nd, 2008 at 22 يوليو 2008 4:29 م
اول مرة الحق اعلق اول واحدة
اسفة عن تأخرى فى الرد على المواضيع السابقة
الكلمات جميلة اوى ومعبرة جدااا
بس فعلا الايام كفيلة بانها تداوى اى جرح
وكفيلة انها تجعل اى لحظة انجرحنا فيها مجرد ذكرى ممكن تفتكرها فى يوم من الايام لكن احساسك بالجرح مش هيكون الا مجرد ذكرى
وفعلا نهاية شخص لا تمثل ابدااااااااااا نهاية للحياة
الحياة بتستمر واكبر غلط ممكن يرتكبة الانسان فى حق نفسة انة يفضل باصص وراة للماضى وينسى ان مهما حصلة فى الماضى دة لسة فية مستقبل ادامة
تحياتى لك
يوليو 23rd, 2008 at 23 يوليو 2008 4:56 م
مدونه رائعه ،،وكتابات تفيض عذوبة وابداع
وفوائد جمه ،
احييك واحي مدونتك ،،،زر مدونتي واعطني رايك
هتووونه
يوليو 24th, 2008 at 24 يوليو 2008 9:03 ص
مزيدا من خيبات الامل *_* للفارس المهزوم
من كم يومكنت أتحدث عن فارس الاحلام الذي دائما يأتي بعد فوات الأوان ,
نص جميل واحساس صادق
دمت مبدعا محباً
تحيتي لكَ~
يوليو 25th, 2008 at 25 يوليو 2008 9:02 ص
يوليو 28th, 2008 at 28 يوليو 2008 9:31 م
اجمل ما قرأت من كلمات واحساس راقى
بس اوعدنى انك ماتخليش حد يغنى الكلام ده غير هانى شاكر او ايهاب توفيق
اوعه واياك يختفها منك حد غرهم
تحياتى ومودتى
يوليو 30th, 2008 at 30 يوليو 2008 7:35 م
بين السطور
فنثرت ارق الحروف
تكللها باقات من الزهور
دمت بروعتك
أغسطس 5th, 2008 at 5 أغسطس 2008 5:03 م
أحب هذا النوع من الكتابة..
احب الحزن النبيل..
تحيتى ومودتى..
أغسطس 17th, 2008 at 17 أغسطس 2008 11:19 ص
محطات حزن
لكن ليس كل إنسان لديه القدرة على تجسيدها عبر أبحدية مقروءة
00000
كل التحية وبالغ التقدير لحرفك
أغسطس 21st, 2008 at 21 أغسطس 2008 6:11 ص
استمتعت كثيرا بمدونتك
كلماتك رائعة تحمل كل معانى الصدق والاحساس
واشكرك على زيارة مدونتى
اكرم عبد السميع