مفيش داعي ( شعر غنائي )
مفيش داعي ( شعر غنائي )
كتبهاعادل حجازى ، في 25 سبتمبر 2011 الساعة: 15:01 م
….
مفيش داعي نلوم على بعض
وشوف مين اللي خان الوعد
ومين أوفى ف قبل و بعد
خلاص يعني انتهينا ..خلاص
ونعمل ايه فى قلب جَمادْ
ما بين قلبي وما بينه بلاد
بيوْهِب ..كل شىء بمزاد
لا يعرف حب ولا احساس !
……..
فيه ناس لو بس توفيلها
وجوّه عنيك تيجي تشيلها
كأنّك …..رُحْت تقتلها
وتبقى دي ..إهانة !
ولو..هاحكي وهاتكلّم
هاقلّب ماضي وأتألّم
دي ناس فى الدنيا بتعلّم
يعني ايه ..خيانة !!
ونعمل ايه فى قلب جَمادْ
ما بين قلبي وما بينه بلاد
بيوْهِب ..كل شىء بمزاد
لا يعرف حب ولا احساس !
….
ماهِش غلطة ان انا عشقتِك
لكن غلطة انّى صدّقتك
يا ريتنى سمعت وفارقتك
من أوّل الحكاية
لا حارضى أعيش فى يوم قِصّة
وأحبّ قلوب ماهِش حاسّة
خلصنا خلاص مافيش لسّه
وهىّ دي…النهاية
ونعمل ايه فى قلب جَمادْ
ما بين قلبي وما بينه بلاد
بيوْهِب ..كل شىء بمزاد
لا يعرف حب ولا احساس !
ـــــــــــــــــــــــــــــــــــــــــــــــــــــــــ
تحرير الإدراج التصنيفات : شعر غنائى | أرسل الإدراج | دوّن الإدراج
اكتب تعليــقكالسلام عليكم و رحمة الله و بركاته
تسمع فيروز ؟!
هنا
تعليقات
إرسال تعليق