عجائب الدنيا المصرية(5)- مصر اللى مش ف دماغها !!!
عجائب الدنيا المصرية(5)- مصر اللى مش ف دماغها !!!
ـــــــــــــــــــــــــــــــــــــــــــــــــــــــــ
التصنيفات : مصر اللى مش ف دماغها !!! | السمات:ميشيل بلاتينى, محمد منير, مصر, مصريين, القاهرة, الافلام الامريكية, البلكونات, الحكومة الالكتورنية, بلاتينى, بنات, بروسلى, حمض البوليك, شباب, طيّارة ورق, طيارة ورق
أرسل الإدراج | دوّن الإدراج
كتبهاعادل حجازى ، في 7 نوفمبر 2009 الساعة: 18:53 م
فى الحيطان والمبانى والبلكونات !!
** انك تلاقى حيطة فى شارع مفيش عليها أثر من حمض البوليك فى ركنها !!
** انك تلاقى حيطة مش محطوط عليها ..حاجة من الحاجات دى :
- صاروخ الكيمياء ..مسعد ماندليف ..مدرس الانجليزية الأول فى مصر ..مستر انجليش مِش عِفش ..عملاق الفرنسية الأوحد مسيو ماجد بلاتينى !!…إلى آخر وحوش التدريس فى القطر المصرى العزيز !!
- صورة حد تايه …مفقود من 9 سنين ..ابوس ايديكم رجّعوه !! ( طيّب ضاع ازاى ؟!!..وليه ؟؟!! )
- صورة مرشح فى انتخابات عدّى عليها 5 سنين ..ولسّه صورة مرزوعة على الحيطان وعواميد النور !!
- اعلان – شبه ثابت فى تفاصيله – مطلوب مندوبين ومندوبات بيع ..بخبرة أو بدون ..مؤهلات أو صيّع ..حراميّة أو ولاد ناس ..مرتب مجزى ( ابقى قابلنى!! ) + عموله ( يا ولاد الكدّابه!! ) + تأمين طبى وصحى ( على أساس ان احنا داقّين عصافير !! )…وبعدين شركة النصب وتلبفوناتها !!!
- شقة للايجار ..شرحة وبرحة وسرحة !!
- عبارات غرام خالدة ..احمد وبعدين قلب جواه سهم وسمسمة !!…أو ..ماجد بيحب سهام …شوشه بتحب عماد الكينج !!..إلى آخر قائمة العشّاق الملتهبة !!
- عبارت تعريف خالدة : مجدى بروسلى ..بجوار سينما الشرابية ( دى تقريبا على حيطان القاهرة كلها !!) ..الاديب عفيفى فى كتابه المعجزة ( أزمة السلطان والصولجان والبدنجان !! )
- بحبك يا منير ( محمد منير يعنى ! ) ..ابتدت تغزو حيطان وسط البلد !!
- وائل بخت ..وكريم الدش ..وبالم ترى ..والجوهرى ..ورومة ..ايمن سرنجة ..الصعيدى …غراب !!! ( دى اسماء شلّة ظريفة مخلّدة نفسها على الحيطة من شلل أشبالنا وأبنائنا وأولادنا الأعزاء.. طلبة الثانوية العامة !!!!!
** انك تلاقى حيطة سليمة ..مش مدغدغة !!
** انك تلاقى حيطة لونها نفس اللون اللى اتبنت بيه !!
** انك تلاقى حيطة عليها رسومات شيك ..أو ألوان حلوة ..أو لمسة جمالية ..زى أوربا !!!
فى مبانى و عماراتها مصر
**
انك تلاقى عمارات مصر كلها متغطّية ومفيش حاجة اسمها بيت متساب بالطوب
الاحمر ..والتشطيب دا على حساب الحكومة ..يعملوا حاجة ف حياتهم ..مش مُكلّفة قوى يعنى !!
** انك تلاقى عمارة مفيش على سطحها أطباق الدش التى تذكرك بافلام الخيال العلمى ..شوفوا نظام تانى ..زى أمريكا …اعتبروها زى مشروع الحكومة الالكترونية اللى مش هتشوف النور !!
** انك تلاقى مبنى فى منطقة شعبية مفيش على سطحه زبالة وخيش وصناديق وكراتين فارغة والف حاجة وحاجة ملهاش ريحة اللازمة !!
** انك ما تلاقيش على نفس السطح دة عشة لتربية الطيور – مؤقتا بس ! – عشان انفلونزا الطيور !!
** انك ما تصادفش عمارة فى مصر 15 دور وجنب منها قزم 4 ادوار ..أين التنسيق الجمالى ( رايق انا ..صح ؟! )
** انك ما تصادفش عمارة سكنية تحت منها ديسكوتيك ..أو كوفى شوب ..كما فى بعض مناطق القاهرة الراقية !!
** انك ما تصادفش عمارة ..الشقق فيها خلطبيطة ..شركات على شقق سكنية ( منتهى المسخرة والفوضى ) !!
** انك ما تصادفش عمارة لونها اصفر مترّب بستين نيلة ..وجنبها عمارة لونها بمبى ..أين التنسيق الجمالى ( انت تانى ؟!!!)
**
انك ماتلاقيش برج فاخر تحت منّه جراج أفخر وسكانه قالبين وشّهم على طول فى
الرايحة والجايّة علامة الأهمية والبرستيج ..وبعد الفيلم دا كلّه ..جنب
البرج كوم زبالة قااااااااااااااااد كده يسد عين الشمس ( ياى سوفاج !!) !!
** انك ما تصادفش عمارة آيلة للسقوط والسكان لسّه عايشين فيها .. عشان المحافظة عاملة عبيطة ومطنّشة !!
فى البلكونات
** فى الافلام الامريكية ..عمرى ما شفت بلكونة ليها منشر للغسيل ..هى الناس دى ما بيغسلوش زيّنا؟؟ !!
**
مناشر مصر كتالوج رائع لكل مواطن معدّى تحت البلكونة ..عن عدد أفراد
الأسرة ..وأخلاقياتها ..لو مُتحفّظة ..حتلاقى ملاية السرير قدّام عشان
تخبّى كل حاجة ورا منّها ..لو عيلة مش ف دماغها ..حتلاقى الغسيل كله بزرميط !!
** انك تلاقى بلكونة فيها زرْعة لبلاب ( ياااااااه ..لسّه فيه مصرى بيحب الزرع وعنده احساس بالجمال ؟!)
** انك تلاقى بلكونة مرسوم على الحيطة بتاعتها منظر جمالى ( لسّه الدنيا بخير !! ) !!
** انك تلاقى راجل ومراته بيشربوا الشاى وقت المغربية فى البلكونة ( انتحر المشهد دة ..مش موجود !! ) !!
** انك تلاقى مراهق بيشاغل بنت الجيران ( شغل ساكن قصادى وبحبه )..( يااااااااااه ..دنت قديم قوى ..من ايام الجنيه الجبس !! ) !!
** انك تلاقى طفل ماسك طيّارة ورق وبيطيّرها من بلكونة بيتهم باستمتاع ( مش باقولك قديم موووووووووووت !! )
** انك ما تلاقيش كل واحد فى نفس العمارة ملوّن بلكونته وشبابيك بيته بلون مختلف اختلاف جذرى عن جاره ..( ايه ..بيتى ونا حر فيه ..ونت مال أ…!!) !!
** انك ما تلاقيش واحدة طلعت فى البلكونة ..وطوب الأرض بص عليها ( مهما كانت لابسة !!) !!
** انك ما تلاقيش مواطن بيطلع البلكونة بالفانلة الداخلية !!
** انك تلاقى بيت فى مصر حاليا …ليه بلكونة اصلا !!!
!!!!!!!!!!!!!!!!!!!
!!!!!!!!!!!!!!!!!!!
!!!!!!!!!!!!!!!!!!!
ـــــــــــــــــــــــــــــــــــــــــــــــــــــــــ
التصنيفات : مصر اللى مش ف دماغها !!! | السمات:ميشيل بلاتينى, محمد منير, مصر, مصريين, القاهرة, الافلام الامريكية, البلكونات, الحكومة الالكتورنية, بلاتينى, بنات, بروسلى, حمض البوليك, شباب, طيّارة ورق, طيارة ورق
أرسل الإدراج | دوّن الإدراج
30 تعليق على “عجائب الدنيا المصرية(5)- مصر اللى مش ف دماغها !!!”
اكتب تعليــقكالسلام عليكم و رحمة الله و بركاته
تسمع فيروز ؟!
هنا
نوفمبر 7th, 2009 at 7 نوفمبر 2009 7:26 م
السلام عليكم ورحمة الله وبركاته
سعيد بعودتى اليكم .. وارجو ان تسعدوا بى
مع خالص تحياتى لكم بالسعادة والهناء والسرور
نوفمبر 8th, 2009 at 8 نوفمبر 2009 7:27 ص
شاركونى أحزانى.. أبعد الله عنكم الأحزان
“”"”"”"”"”"”"”"”"”"”"”"”"”"”"”"”"”"”
شريف عويضة
نوفمبر 8th, 2009 at 8 نوفمبر 2009 9:04 ص
هههههههههه
طب قولى وأنا أبيعلك بلكونه
متخفش….
هأسطلك…كل يوم 3 قروش
….على 150 سنه
موافق…
هههههههههههه
….تحياتى
المجهول الدائم
طبعاً مانا مشهور جداً..قوى ..خالص
نوفمبر 8th, 2009 at 8 نوفمبر 2009 7:24 م
مساؤك فل وميت فل كمان
ما تقوله صحيح راحت ايام ليلى مراد ومحمد فوزي وشحات الغرام
الان كل شيء تغير وفقدنا طعم الالفة
وبعدين اهنئك على عينك الفاحصة الناقدة
وادراج جميل قوي
نوفمبر 8th, 2009 at 8 نوفمبر 2009 8:29 م
أشكرك أولا على مرورك الكريم بمدونتى .. و أشكر لك تعليقك الذى أسأل الله
أن ننتفع به جميعاً
نوفمبر 8th, 2009 at 8 نوفمبر 2009 8:38 م
و الله أنت بتلمس موضوع بالنسبة لى هام جدا جدا جدا .. و دايماً بأفكر فيه ..
و يمكن ها تكون أول واحد يعرف إننى أجهز هذه الأيام لسلسة من الإدراجات
تتعلق بهذا الموضوع لأن .. مسألة التشوش البصرى الرهيبة التى يعانى
منها المجتمع المصرى أصبحت لا يمكن الصمت تجاهها أو أن نبقى سلبيين
إزاءها .. و بصراحة أنا لدى شبه يقين بأن فساد الذوق العام فى مصر
هو من أهم أسباب جميع أنواع الفساد الموجودة من حولنا و التى تنخر
فى بنية المجتمع .. و تهدد وجوده
أخى عادل : كل الشكر لك و تحياتى على إثارة هذا الموضوع
نوفمبر 8th, 2009 at 8 نوفمبر 2009 8:41 م
دعنى أشكرك أيضاً شكرا جزيلا على هذا الرابط الرائع جدا لأغنيات فيروز
نوفمبر 9th, 2009 at 9 نوفمبر 2009 7:34 ص
نوفمبر 9th, 2009 at 9 نوفمبر 2009 3:16 م
فى حاجات كتير حلوه أختفت..
وحاجات كتير صعبه مازالت راسخه فى البلد دى..
ويبقى أنت أكيد فى مصر ههههه..
وهى دى مصر يا عادل باشا..
بيعجبنى فى رؤيتكـ عمقها دايماً
فعلاً أفتقدنا كلنا حاجات حلوه كتييير..
نوفمبر 10th, 2009 at 10 نوفمبر 2009 11:05 ص
مساءك سعيد…
نوفمبر 10th, 2009 at 10 نوفمبر 2009 2:23 م
أين انت
دعوه الر رساله حب فى أيام الحب
اتمنى أن تظل حياتنا كلها حب فى حب
نوفمبر 11th, 2009 at 11 نوفمبر 2009 11:38 ص
صباح الخيرات
ما زلت تكشف ما يجب علاجه
بصدق هذه الأخطاء بشرية لا تحتاج لتدخل
الدولة للحد منها ..كل ما تحتاجه هو
وعي المواطن لما فيه مصلحته ومصلحة
الوطن
كن بخير دائما
نوفمبر 11th, 2009 at 11 نوفمبر 2009 9:43 م
إلا أنه …
بالفعل واقع
و التعبير فعلا رشيق
و القلم أنيق
و الصورة معبرة
ممكن نسميك مدون الواقعية
حاجة كده ذى صلا ابو سيف
مساك خير و بركة
نوفمبر 11th, 2009 at 11 نوفمبر 2009 9:43 م
إلا أنه …
بالفعل واقع
و التعبير فعلا رشيق
و القلم أنيق
و الصورة معبرة
ممكن نسميك مدون الواقعية
حاجة كده ذى صلا ابو سيف
مساك خير و بركة
نوفمبر 11th, 2009 at 11 نوفمبر 2009 9:44 م
- صلى الله عليه وآله وسلم -
دعوه إلى جديدى
شريف عويضة
نوفمبر 12th, 2009 at 12 نوفمبر 2009 3:53 م
الجميل عم عادل
___________________________________________________
مصر محتاجه اللي يقول لها كلمه حلوه ويقف جنبها في محنتها
___________________________________________________
ارجوك التوقف عن تكمله مصر اللى مش ف دماغها !!!
انا جالي اكتئاب وحاسس ان هايجي ليا شلل وانا ماسك الماوس وقاعد اقرا في ادراجك .
كلنا هانموت كمان كام شهر من انفلوانزا الخنازير ولا انته مش من هنا ؟
ابن لامؤاخذه
المضياقه ام الدنيا
نوفمبر 13th, 2009 at 13 نوفمبر 2009 12:08 ص
اللهم اسعدهم وفرج همهم وحقق امالهم واجعل الجنه دارهم وقرارهم
واشفهم من كل مرض يارب واجمعني بهم في جنات النعيم
نوفمبر 13th, 2009 at 13 نوفمبر 2009 10:34 ص
جمعة مباركة ان شاء الله
شاركنى فى دعوة للتوعية
تحياتى لك
نوفمبر 14th, 2009 at 14 نوفمبر 2009 7:33 ص
نوفمبر 16th, 2009 at 16 نوفمبر 2009 12:28 ص
وبعدين شاي ايه اللي انت عاوز الراجل ومراته يشربوه في البلكونه ده هما هيفضوا للعركة بتاعة كل يوم والا للشاي ياعم بتاع الود والرومانسية احيانا ده وكمان طيارة ورق؟ لا لا لا انت كده بتخبط في الحلل
خالص تحياتي لتذكرك بعض من الانسانيات الطبيعيات المندرجة تحت ديون مصر المعدومة ههههههههههههههه
نوفمبر 16th, 2009 at 16 نوفمبر 2009 12:33 ص
يللا باي بقا علشان ما تجبليش شلل اكتر من كته بأخلاقك الوحشة دي ههههههههههههههههههههه
نوفمبر 16th, 2009 at 16 نوفمبر 2009 10:08 ص
——————————
الرديني !!!!!
————
شكرا..
——
نوفمبر 16th, 2009 at 16 نوفمبر 2009 11:49 ص
مرور تحية وتواصل
تحياتي ومودتي
نوفمبر 17th, 2009 at 17 نوفمبر 2009 7:57 ص
استاذ عادل صباح الفل والخيرات
مرور للتحية والإطمئنان ……..
نوفمبر 17th, 2009 at 17 نوفمبر 2009 10:27 ص
——–
فى مصر والجزائر ممكن الانسان يقتل انسان ويهدر ادميته ويسلبه حياته بالفقر والمرض وعدم اتاحية العلاج والعمل
عادى
يعنى ان المصرى يقتله مصرى او يهينه او يسلبه مافيهاش حاجة
والجزائرى كلك
وحتى لو الاعداد من الضحايا كبيرة مش مشكلة
المواطن يفقد حياته او كرامته او حقوقه على يد مواطنية
انما لو ده حصل من مصرى لجزائرى او العكس
ولو مرة كل عشرة سنوات
ولو ان اعداد الضحايا قليلة جدا تصل احصائيا الى اقل من العدم وبنسبة اقل من الصفر اذا ماقورنت بحوادث المرور
يبقى نحن لانقبل
والوطنية بتوجعنا
وانا مع حرص المواطن على مواطنية
بس يحتفظ بنفس الغضب تجاه انتهاك حياة وكرامة المواطن فى بلده بنسبة وتناسب حسب اعداد الضحايا
يعنى اغضب بنسبة عشرة اذا ما اهدرت حقوق المواطن فى عشر حالات
واغضب بنسبة مليون ضعف الغضب-اذا ما نتهكتحقوق وانسانية مليون مواطن
واذا اعتبرت ان اهانة مواطن تعتبر اهانة للبلد كلها نظرا لحسابات وطنية شهيصية
فتجاهلنا لمعنى انتهاك كراة وحقوق الملايين وطناشنا على النسبة والتناسب بينها وبين حالة الاهانة الفردية
يعنى شئ مش معقول
ويكشف مدى نفاقنا واننا مع اللعبة السهلة والرائجة والتى تظهرنا بصورة الوطنى الغيور دون استحقاق
ودون عائد منتج واننا نتعامى حين تكون المسالة اصعب ومواجهتها تحتاج لجهد اطول واصعب من مجرد الصراخ لعدة ايام وننسى بعدها
يعنى انا مش قادر افهم ان مواطن او مواطنين
هم خارج خطة بلادهم ف الصحة والتعليم والمشاركة ف السلطة والثروة وحتى فرصة العمل
وزعلان قوى ان مواطن انضرب بطوبة خارج البلاد او حد شتمة او ضايقة
–
لا ويقول لك دا الستعمار اللى عمل كده
وحياتكم مفيش استعمار اكتر من الدماغ الخربان
نوفمبر 17th, 2009 at 17 نوفمبر 2009 3:54 م
جميل ما تتمناه ان ترى مصر جميلة ونظيفة
والوان بيوتها متناسقة , اذا ذهبت الى مدينة اكتوبر
ستجد بعض ما تتمناه من تظافة وجدران مدارس مرسوم عليها مناظر جميلة وحدائق صغيرة ملحقة بالمنازل … الخ
نوفمبر 17th, 2009 at 17 نوفمبر 2009 5:49 م
بصراحه شدني مقالك ولغيت كلمت مصر فيه ووضعت كلمة الوطن العربي مكانها لاننا جميعا نعاني هذه المشكله حتى انا نفسي كنت مشدوده بالقراءه وكان فنجان قهوتي بجاني كوب فيه مضاء اردت ان اخذ رشفة قهوه فتناولت كوب الشمع وكان وجهي يتشوه من لهيب الشمع كا تشوه جدراننا بلهيب عشقنا
مودتي الخالصه لك سدي
نوفمبر 18th, 2009 at 18 نوفمبر 2009 4:53 م
حسن محمد توفيق
شريف عويضة
مجهول 3
المرأة القمرية
ايناس
نهاد فتحى
نيفين كمال
محمد عبابنه
سوزان سعيد
أم ليث
عادل سعيد
زمرد زمرد
rania
عليّا النجار
لولى
الردينى
نادية العسرى
الفيل
صفية صلاح
لين عبد الله
……………………
كل الشكر والتقدير والاحترام لاهتمامكم وتواصلكم
مودتى و احترامى العميق
أشكركم .
نوفمبر 19th, 2009 at 19 نوفمبر 2009 9:01 ص
جئتُ لأكون أول من يقول لكم
( كل عام وأنتم بخير وإلى الله أقرب )
######### شريف عويضة #########
نوفمبر 24th, 2009 at 24 نوفمبر 2009 12:33 م
شرح الله صدرك كلما غربت الشمس وهل القمر
وأزاح الله همك كلما حج فوج واعتمر
وجعل الله ذريتك كأبي بكر وعمر
وغفر لوالديك على مد البصر
فأكثر الله أحبابكم ومحبيكم بعدد ملايين البشر