كارثة الدويقة …بين منكوب وجيمس !!!
كارثة الدويقة …بين منكوب وجيمس !!!
كتبهاعادل حجازى ، في 11 سبتمبر 2008 الساعة: 11:12 ص
قبل
قراءة الحوار الرومانسى الساحر بين المواطن منكوب00من كلمة نكبة ..غير
..نكبة أو نكسة أو وكسة حرب 67 …نكبة مواطنى الدويقة فى العشش أو الجحور
اللى اتدغدغت على دماغ اهاليهم ..، وبين مندوب الحكومة الرائع الموظف اللامع جيمس !!
.ارجوك اقرا اكتر عن الدويقة على هذا الرابط
http://www.asharqalawsat.com/details.asp?section=4&article=485915&issueno=10876
………….
جبل انهار …طب الحكومة ذنبها ايه ؟؟ ..او جيمس- مندوب الحكومة …أو موظف الحى …او موظف المحافظة ..مش حتفرق - فى الحوار اللى جاى حالا …ذنبه ايه ؟؟ ، وعلى فكرة جيمس دة بنى ادم زيى وزيك ..مش خواجة ..بس اصحابه بيحبوا يدلعوه بجيمس ..عشان دايما محنتف زى الخواجات !!!!
منكوب بقى….مواطن معدوم الدخل من الدويقة …بيلم زبالة ..بيربى خنازير…فاعل …مفعول ..مش مهم ، المهم..انه منكوب لأنه اتولد فى مصر – ايه يا عديم الانتماء ….!!- معلش ..آسف …مولود فى الدويقة
………………….
نيجى للحمار ..اقصد الحوار بين جيمس – مندوب الحكومة – ومنكوب – المواطن معدوم الدخل !
جيمس – شقتك وقعت يا منكوب ؟؟….طب ايه اللى يثبت ان انت اصلا كنت ساكن جنب الجبل اللى وقع …مش يمكن بتكدب …انت حتى شكلك حرامى !!
منكوب – الله يسامحك يا باشا ….عندك الجيران اسالهم ..ان كنت ساكن ولا لأ
جيمس – كلهم حرامية زيك ..دنتوا منطقة لَبَش كلها !!
منكوب – يا باشا احنا غلابة
جيمس – انت عندك كام سنة ياض ؟؟!!
منكوب – ياض ؟؟…دنا عندى عيال طولك يا باشا …الله يسامحك
جيمس- وله ….ما تتمّسكنش فى امها !!
منكوب – ياباشا اسألوا ..شوفوا ..ان كنت بكدب ولا لأ ..دحنا كنا خمستاشر روح فى شقة يدوب 40متر..كلنا فى الشارع دلوقتى ..قاعدين فى خيمة لحد ما تفرج
جيمس – ولما انت شحات وجربان كدة اتجوزت ليه من اساسه وجبت الزربة دى كلها …جتكوا القرف !
منكوب – حكم ربنا يا باشا
جيمس – انتوا اللى زيّكوا عار على مصر كلها !
منكوب – ياباشا ..وحنا نعمل ايه بس ..دحنا جنب الحيط
جيمس – انت شغلتك ايه
منكوب – لا مؤاخذة زبال
جيمس- باين على خلقتك
منكوب – الله يسامحك
جيمس – طيب ..قصر الكلام ..انت مش كتبت طلب
منكوب – آه
جيمس – خلاص ..كام يوم ..ونشوف نتيجة تحرياتنا ..مش يمكن عندك شقة يمين ولا شمال ومدّكنها…وعايز تستنصح ع الحكومة ؟؟؟؟
منكوب – يا باشا ..لو كان عندى..كان ايه يغصبنى اعيش انا وكوم اللحم فى شقة قد جحر التعبان
جيمس – النتانة !!….حاكم فيه ناس عندها طين فى بلدها ..وييجوا مصر يشتغلوا زبالين وفواعلية
منكوب – ياباشا ..احنا على باب الله
جيمس – طيب ممكن بقى السحنة الكريمة تخفى عن وشى يا عم الشحات !! عندى شغل
منكوب – طب والشقة
جيمس – تعيش وتفتكر يا عمّو !!!!!!!!!!!!!!!!!!!!!!!!!!!
منكوب – حسبى الله ونعم الوكيل …حسبى الله ونعم الوكيل
جيمس – غووووووووور….بررررااااااااااااااه…………..انت بتحسبن عليّا يا حرامى يا رمّة !
(الامن يلتف سريعا حول الباشا …الذى لا زال هائجا )
شيلوا الحيوان دة برة !!!!!!!!!!!!!!!!!!
………………………….
………………………….
عادل حجازى
Acc_adelhegazy@yahoo.com
ـــــــــــــــــــــــــــــــــــــــــــــــــــــــــ
التصنيفات : منكوبيات | السمات:فكر, مقال, مقالات, مقالات سياسية, من هنا وهناك, معلومات, اخبار, سياسة, عام
أرسل الإدراج | دوّن الإدراج
.ارجوك اقرا اكتر عن الدويقة على هذا الرابط
http://www.asharqalawsat.com/details.asp?section=4&article=485915&issueno=10876
………….
جبل انهار …طب الحكومة ذنبها ايه ؟؟ ..او جيمس- مندوب الحكومة …أو موظف الحى …او موظف المحافظة ..مش حتفرق - فى الحوار اللى جاى حالا …ذنبه ايه ؟؟ ، وعلى فكرة جيمس دة بنى ادم زيى وزيك ..مش خواجة ..بس اصحابه بيحبوا يدلعوه بجيمس ..عشان دايما محنتف زى الخواجات !!!!
منكوب بقى….مواطن معدوم الدخل من الدويقة …بيلم زبالة ..بيربى خنازير…فاعل …مفعول ..مش مهم ، المهم..انه منكوب لأنه اتولد فى مصر – ايه يا عديم الانتماء ….!!- معلش ..آسف …مولود فى الدويقة
………………….
نيجى للحمار ..اقصد الحوار بين جيمس – مندوب الحكومة – ومنكوب – المواطن معدوم الدخل !
جيمس – شقتك وقعت يا منكوب ؟؟….طب ايه اللى يثبت ان انت اصلا كنت ساكن جنب الجبل اللى وقع …مش يمكن بتكدب …انت حتى شكلك حرامى !!
منكوب – الله يسامحك يا باشا ….عندك الجيران اسالهم ..ان كنت ساكن ولا لأ
جيمس – كلهم حرامية زيك ..دنتوا منطقة لَبَش كلها !!
منكوب – يا باشا احنا غلابة
جيمس – انت عندك كام سنة ياض ؟؟!!
منكوب – ياض ؟؟…دنا عندى عيال طولك يا باشا …الله يسامحك
جيمس- وله ….ما تتمّسكنش فى امها !!
منكوب – ياباشا اسألوا ..شوفوا ..ان كنت بكدب ولا لأ ..دحنا كنا خمستاشر روح فى شقة يدوب 40متر..كلنا فى الشارع دلوقتى ..قاعدين فى خيمة لحد ما تفرج
جيمس – ولما انت شحات وجربان كدة اتجوزت ليه من اساسه وجبت الزربة دى كلها …جتكوا القرف !
منكوب – حكم ربنا يا باشا
جيمس – انتوا اللى زيّكوا عار على مصر كلها !
منكوب – ياباشا ..وحنا نعمل ايه بس ..دحنا جنب الحيط
جيمس – انت شغلتك ايه
منكوب – لا مؤاخذة زبال
جيمس- باين على خلقتك
منكوب – الله يسامحك
جيمس – طيب ..قصر الكلام ..انت مش كتبت طلب
منكوب – آه
جيمس – خلاص ..كام يوم ..ونشوف نتيجة تحرياتنا ..مش يمكن عندك شقة يمين ولا شمال ومدّكنها…وعايز تستنصح ع الحكومة ؟؟؟؟
منكوب – يا باشا ..لو كان عندى..كان ايه يغصبنى اعيش انا وكوم اللحم فى شقة قد جحر التعبان
جيمس – النتانة !!….حاكم فيه ناس عندها طين فى بلدها ..وييجوا مصر يشتغلوا زبالين وفواعلية
منكوب – ياباشا ..احنا على باب الله
جيمس – طيب ممكن بقى السحنة الكريمة تخفى عن وشى يا عم الشحات !! عندى شغل
منكوب – طب والشقة
جيمس – تعيش وتفتكر يا عمّو !!!!!!!!!!!!!!!!!!!!!!!!!!!
منكوب – حسبى الله ونعم الوكيل …حسبى الله ونعم الوكيل
جيمس – غووووووووور….بررررااااااااااااااه…………..انت بتحسبن عليّا يا حرامى يا رمّة !
(الامن يلتف سريعا حول الباشا …الذى لا زال هائجا )
شيلوا الحيوان دة برة !!!!!!!!!!!!!!!!!!
………………………….
………………………….
عادل حجازى
Acc_adelhegazy@yahoo.com
ـــــــــــــــــــــــــــــــــــــــــــــــــــــــــ
التصنيفات : منكوبيات | السمات:فكر, مقال, مقالات, مقالات سياسية, من هنا وهناك, معلومات, اخبار, سياسة, عام
أرسل الإدراج | دوّن الإدراج
6 تعليق على “كارثة الدويقة …بين منكوب وجيمس !!!”
اكتب تعليــقكالسلام عليكم و رحمة الله و بركاته
تسمع فيروز ؟!
هنا
سبتمبر 14th, 2008 at 14 سبتمبر 2008 10:17 ص
سبتمبر 14th, 2008 at 14 سبتمبر 2008 10:27 ص
صباحك معطر بذكر الرحمن
تفضح وسائل الأعلام دائما ما تحاول الحكومات
إخفائه من حقائق
المشكلة دائما من يتعرض لهذه الاوضاع الناس
المعدمين والفقراء الذين أصلا لا يملكون ما يشتري
لهم لقمة طعام تكفيهم شر الجوع والحاجة
وتتنطح الحكومات بالإنجازات التي تقوم بها من بناء
للمولات والفنادق الفخمة وفنادق الكلاب وتنسى
أو عفوا تتناسا أن بها شعب لا يجد مأوى ولا قوت
له ولأولاده ليوم واحد
تحياتي لموضوعك الجميل وحمى الله الشعوب
العربية جميعها مما هي فيه ومما ينتظرها
سبتمبر 16th, 2008 at 16 سبتمبر 2008 8:49 م
الاستاذ عادل/
انا اسفة جدا انا عارفة انى مقصرة جدا بس دة لان دخولى على النت اصبح قليل جدا
احييك على موضوعك فعلا الشعب المصرى كلة حزين للى حصل لاهالى الدويقة
ربنا معاهم لان المناظر اللى شوفتها من مشاهد دمار للناس دية كانت فعلا مناظر بشعة وياريت على اد اللى حصلهم من تشريد وموت …
لأ وكمان كالعادة فية ناس بتستفاد من الكوارث دية وهى من الاساس ملهاش الحق
يعنى الناس اللى ليها الحق فى انها تاخد شقق بتاخدها بطلوع الروح دة لو عرفت تاخدها اما الناس اللى ملهاش حق بتقول اهى مصلحة والسلام
نفس المشكلة اللى حصلت فى زلزال 92 واللى راح ضحيتة ناس كتير واتشردت بسببة أسر كتير وبردو للاسف هنلاقى ان المستفيدين من الكوارث بيظهروا فى كل كارثة وكأن مصائب قوم عند قوم فوائد
اما الغلابة لما يطالبوا بحقوقهم يتعاملوا معاملة غير ادمية وكانهم مش بنى ادميين
ربنا يكون فى عون كل المنكوبين ويرحم كل من لقى حتفة فى هذة الكارثة ويكون فى عون اسرهم
تحياتى لك
سبتمبر 17th, 2008 at 17 سبتمبر 2008 6:01 م
بس الغريب انو الادراجين مابيظهروش في المدونة ا في القائمة بتاعت الادراجات
اكيد في مكتوب :)) خلل او الأسد الي حاطو :))
تعرف يااستاذ عادل
المنكوب دا لو عاقل يمسح الأرض في الجبل بس ويلومو
لأنو لو اكتفى بكده هايخفف وطأة تشردو لانو الحكومات العربية
عمرها ماحبت المواطن ويجي يلومها كمان
المواطن اتحرق
اتشل
اتنهب
اتسرق
ضربو زلزال
حصلو اعصار
الحكومة مابتعرفوش
يبقى هو المنكوب
وعالة عالحكومة
يبقى يغور في الف ستين داهية
انتا رائع جدا
سبتمبر 17th, 2008 at 17 سبتمبر 2008 10:08 م
كيف الحال استاذ عادل
كل سنة وانت طيب يارب
اتمنى تكون بافضل حال
كارثة الدويقه تحتاج زيارة اخرى
لي عودة باذن الله
تحيتي لكَ~
سبتمبر 18th, 2008 at 18 سبتمبر 2008 9:43 م
ما حدث بالدويقة لهو مأساة كبيرة
أين اللجان الفنية التي عاينت الجبل وصخوره
أين من يخاف على أرواح المصريين
اين ؟
وأين ؟
وبعد حدوث المأساة عجزت الدولة على حلها
بل ضربت ومزقت
يا الله
ماذا يحدث لنا
لكِ الله يا مصر .
الساكت عن الحق شيطان أخرس
فهل سيقبل الله من شياطين
صلاة
أو صوم
أو زكاة ؟
اللهم أجعلنا ننطق بالحق دائماً
نيجــر .