مغلق للتحسينات !! ( خواطر رمضانية )
مغلق للتحسينات !! ( خواطر رمضانية )
كتبهاعادل حجازى ، في 5 سبتمبر 2009 الساعة: 12:43 م
أقيم فى شارع الهرم الشهير فى كل أرجاء العالم العربى !!
شارع الهرم السياحى – كما يطلقون – عليه , وهو شارع , على امتداده , ما يزيد على عشرة كازينوهات ..عفوا ..ملاهى ليلية !!
طبعا
..عشرات المساجد أيضا على امتداد الشارع , فنحن , لازلنا فى مصر ..الدولة
المسلمة , التى يقر دستورها أن الدين الرسمى للدولة هو : الإسلام , وأن
الشريعة الإسلامية هى المصدر الأول للتشريع
على امتداد الشارع الرئيسى ( العشوائى جدا
) عشرات المحلات التجارية , وعشرات العمارات المتفاوتة الفخامة !! , وهو
شارع من أسوأ شوارع مصر على الإطلاق بالنسبة لحركة المرور , لا ينافسه إلّا
شارع فيصل الموازى له تماما , من جوجل ايرث سترى الشارعيْن كأنهما خطىّ
سكة حديد بينهما وعلى يمينهما ويسارهما عشرات المبانى والأحياء التى بُنيت
جميعا على أنقاض أراض زراعية كانت تملأ هذه المنطقة بأكملها قبل أربعين سنة
تقريبا !!
ولكنها الدنيا !!
فى الشارع الشهير , قد تخرج من صلاة الفجر لترى أمام الكازينوهات – اوعى تقول الكباريهات !! – عشرات السيارات الفارهة !!
السؤال بقى !
وقت الآذان !! الناس اللى جوّه ( المرقص ) !! بتبطّل شرب الخمرة !!؟؟؟؟..الفقرة الاستعراضية – اوعى تقول الرقص الشرقى والمسخرة دى !!- بتبطّل احتراما للآذان !!؟؟؟
شكلك كدة فاكرنى بهرّج !!
انا بسأل بجد ..بيعملوا ايه ساعتها ..ولّا شبّورة الدخان والهلس والخمرة بتخلّيهم معميّين عن اى حاجة فى الدنيا !!؟؟؟
ويا
ترى ايه انطباع الناس دى وهمّا خارجين ع الصبح والناس طالعة على شغلها
ومتشعبطة فى الاتوبيسات أومستنيّة ميكروباص يوصلّهم بس يكون فاضى !!
أكيد
بيقولوا ..ياى ..دى ناس فقرا اغبيا فشَلَة ومش اذكيا عشان كدة عايشين فى
الوحلة اللى همّا فيها ..ومش ملحلحين زيّنا وراكبين الهامر والشيروكى
وبيسهروا زينا !!
الناس دى ..بيخافوا ربنا ؟!!
طب همّا لسّه ربنا ما أذنش وتابوا من اللى همّا فيه ..طب اللى فتح لهم الاماكن ( الوسخة ) دى – سامحنى انا آسف – بيخاف ربنا !!؟؟؟
ولّا
حيقولوا دى اماكن اساسا للسيّاح ..اللى همّا مش مسلمين ..يعنى الخمرة
بالنسبة لهم مش حرام ..والرقص الشرقى دة بيحبوه ..وكدة يعنى !!
طبعا انا لا ادعو لتفجير هذه الأماكن !!
بل اتساءل ببراءة المجانين :
لو الحكومة منعت نهائيا استيراد الخمور بكل انواعها , وحتى على سلاسل الفنادق العالمية فى مصر …صعبة ؟..مستحيلة ؟
لو
الحكومة منعت الكباريهات من اساسه ..يعنى نلغى الرقص الشرقى خالص – وبلاش
نقول فن وكلام فارغ – لأن الكل يعلم ان الرقص الشرقى جذوره اصلا نابعة من
بيوت الهوى !!
صعب نمسحه بأستيكة ؟!!!
فى ستين داهية الكام كباريه اللى جايبين الضنك والفقر دول !!
وبعدين
..تشوف اعلانات مصلحة الضرائب - شديدة الاستفزاز – تقوم تضرب ميت كف بكف
…ما قدّام منكم اهوه ميت سفيه بيفرتك فلوس الناس اللى شغّالة بجد تحت رجلين
الرقّاصات !!!
طب ايه علاقة الفيلم الهابط اللى انا حكيته دة برمضان ؟!!
العلاقة
ان الناس دى ..والحكومة كمان ..زيّها زى ّالشعب المصرى – الّا من رحم ربى – بيخافوا من رمضان ..اكتر من رب رمضان !!
كل كباريهات مصر بتجيب ضروفها القذرة خلال الشهر الكريم , تماما , بالضبّة والمفتاح ,احتراما للشهر الفضيل … شفت الاحترام !!
ويعلنوا عن نفسهم – لحسن الخمورجية ينسوهم – على صفحات الجرائد ( القوميّة ) !! : كازينو (…) مغلق للتحسينات طوال ايام الشهر الكريم !!!!
مغلق للتحسينات !!!!
وإن كان طبعا فيه اختراع جديد – بس من غير خمرة – شيشة ورقص ( بهدوم ) وفرفشة ونعنشة , تحت مسمّى الخيام الرمضانية !!
نفسى بقى – قريّب – نقرا الاعلان دة ..خيمة (….) الرمضانية مغلقة للتحسينات طوال رمضان !!
بنجيب قماش جديد للخيبة ..اقصد..للخيمة !!
ربنا يهدينا ويهديهم أجمعين
اللهم آمين
ـــــــــــــــــــــــــــــــــــــــــــــــــــــــــ
التصنيفات : خواطر رمضانية, مقالات | السمات:مقال, مقالات, خواطر, خواطر رمضانية, رمضان
أرسل الإدراج | دوّن الإدراج
7 تعليق على “مغلق للتحسينات !! ( خواطر رمضانية )”
اكتب تعليــقكالسلام عليكم و رحمة الله و بركاته
تسمع فيروز ؟!
هنا
سبتمبر 5th, 2009 at 5 سبتمبر 2009 4:36 م
لديك الكثير هنا لكن ممين يسمع
اسحمل وواصل الكتابه ربما يتغير الوضع يوماً ما
سبتمبر 6th, 2009 at 6 سبتمبر 2009 9:46 ص
اسعد الله مساءك ودمت بخير
سبتمبر 6th, 2009 at 6 سبتمبر 2009 9:49 ص
سبتمبر 6th, 2009 at 12:24 م تحرير
مباراة الكرة لا تعنى مباراة بين الاديان
المهم
العقائد
ولاؤهم ..لأى دين ؟
والفارق شاسع .
ـــــــــــــــــــــــــ
هي مجرد إشارة يا صديقي….
دمت متألقا….بخير
سبتمبر 6th, 2009 at 6 سبتمبر 2009 10:21 ص
أخي الكريم عادل
اعتذر لغيابي عن مدونتك
بصراحة انا غبت عن الكل هههههه
رمضان كريم وكل عام وانت بالف خير
صح فطورك ..
سلامي لاسرتك
وفقك الله
سبتمبر 6th, 2009 at 6 سبتمبر 2009 11:15 ص
الغريب انه يقال ان مصر ام الدنيا؟
وكمان يقال ان بنهارها ترى الاسلام يزهو وبليلها الخمر
يتراقص ؟؟
هذا ما اسمعه ولكن بنفس الوقت نشاهد على القنوات الفضائيه عدد كبير من الدعاه الذين يملاءون الشاشات المتلفزه …اين دورهم في نشر الوعي الديني بين فئة الشباب بدل ان نبقى نتحدث عن قضايا وامور الوضوء وكيفية الصلاه؟
هناك امور دينيه يجب ان تبقى محوريه في اي دروس دينيه
وتوعويه للشباب وغيرهم.
كن بخير
سبتمبر 7th, 2009 at 7 سبتمبر 2009 8:04 م
عساك بخير اخي اكريم
ليلة طيبة واحلام سعيدة
سبتمبر 8th, 2009 at 8 سبتمبر 2009 8:15 م
ويفرجها ان شاء الله