عجائب الدنيا المصرية (8) – مصر اللى مش ف دماغها !!
عجائب الدنيا المصرية (8) – مصر اللى مش ف دماغها !!
كتبهاعادل حجازى ، في 7 فبراير 2010 الساعة: 18:22 م
عن الدكاترة والمستشفيات و الخايلة الكدّابة !!
** انّك تلاقى كلية الطب بتاخد الطلبة اللى مجموعهم 99 % ثانوية عامّة عشان القبول ..على اساس انهم عباقرة افذاذ ..مش مجرّد طلبة صمّامين !!
** وانّك تلاقى طالب من دول بقى – العباقرة الافذاذ – عارف انه لا عبقرى ولا حاجة ..بس حظه الحلو انه جاب المجموع دة ودخل كلية الكِمّة دى !!
** انّك تلاقى نفس الطالب دة برضو ..مش حاسس انّه فوق البشر عشان حيسبق اسمه حرف الدال !!
** ونفس الطالب دة ..مش بيحقد على زمايله فى الكليات التانية اللى مقضّيينها وبينجحوا كل تيرم ..مش هوّ – يا عينى – اللى متمرمط دحّ ومراجع !!
** وانّك تلاقى الطالب دة ..لمّا يتخرّج ويدّى لتخصصه – الطب يعنى – شلّوت !! , وبعدين يشتغل صحفى ولا مذيع ولا حتى ممثل أو كاتب أو أديب ..ومصمّم برضو يلطع الدال قصاد اسمه فى كل حتّة – نقص بعيد عنّك !!
** انّ الطلبة اللى بيحضروا العملى فى الكلية ..يتعلمّوا حاجة !!
** وبتوع النظرى كمان !!
** انّ الطلبة ابناء اساتذة الجامعة ..ما يطلعوش الاوائل على الدفعة كل السنين (؟!)..على اساس ان ابن الوز ..نسناس !!
** انّ الدكاترة اللى بيدرّسوا للطلبة يتكلموا على بعض كويّس !!
** انّك تلاقى طالب طب ..بيحاول يستفيد من النت فى مجاله !!
** انّك تلاقى طالب طب فقير ..وعارف يكمّل فى الكلية من غير يبيع عفش بيتهم !!
** انّك تلاقى طالب طب ما بياخدش دروس خصوصية – تخيّل المسخرة !!
** انّك تسأل طالب طب ..انت دخلت كلية الطب ليه ..وتسمع اجابة غير : عشان الفلوس طبعا !!
** انّ مستوى خريج الطب المصرى يكون نفس مستوى خريج الطب الموزمبيقى !!
الدكاترة اللى خدوا افراج بعد 7 سنين وطلعوا للحياة !!
** انّك تروح لدكتور و وتقوله انا رحت للدكتور الفلانى وقاللى كذا ..وما يقولش – توماتيكى دونما تفكير – مين الحمار اللى قاللّك كده ؟!!
** انّك تعمل اشعة وتحاليل ..عند مركزين مختلفين ويدّولك نفس النتايج – معجزة !!
** او دكتورين ..ويدّولك نفس التشخيص !!
** او دكتورين ..ويتفقوا على نفس الادوية فى العلاج !!
** انّك تلاقى دكتور بيعاملك على انّك بنى آدم برضو ..وبتفهم …مش غبى لمجرد انك ما دخلتش كلية التبّ !!
** انّك تلاقى دكتور بيقدّر طب الأعشاب ومش بيعتبره دجل و شعوذة !!
** انّك تلاقى فرق واضح وساطع بين الدكتور وبين البيزنس مان !!
**
انّك تلاقى دكاترة المستشفيات الحكومية بيعاملوا الناس بضمير واهتمام مش
بمنتهى اللامبالاة والقرف – لمجرّد ان الدولة مشحّتاهم وبتدّيهم كلام فارغ .
الناس ملهاش ذنب يا أفذاذ !
**
انّك تلاقى الدكاترة الصغيّرين مش مطمّعين الممرضات فيهم – على اساس انهم
عرسان محتملين – ودة مستحيل طبعا يا ساذجات !!..لأن العين ما تعلاش على
الحاجب الّا فى حالة واحدة ..ان البنى آدم يقف على دماغه !!
** انّك تلاقى دكتور بيهتمّ بمريض من غير توصية من حد مهم ..أو حد ليه حيثيّة فى المستشفى !!
** انّك تلاقى الدكتور بيعدّى من نفسه يتابع الحالات اللى عنده ..من غير أهل المريض ما يدوّروا عليه فى المستشفى كلها 3 ساعات بمنافعهم !!
** انّ الحمّامات الخاصة بالدكاترة ..اللى بيقفلوها ..عشان الرعاع من العامة ما يدخلوهاش ..تكون أنضف من الحمامات التانية ..ولو 2 % زيادة !!
** انّك تلاقى البهوات معترضين على القرف بتاع حماماتهم ..بلاش حمامات الرعاع !!
** انّك تلاقى دكتور ..قاعد فى مكتبه بيذاكر اى مرجع من اى نوع ..ولو حتى ميكى جيب !! ..عموما العلم فى الراس ..مش فى القلقاس !!
** انّك تسمع اتنين دكاترة بيتكلموا عن حالة ..وتحس ّ ان اللى انت بتسمعه ..ليه علاقة بالانجليزية !!
** انّك تعرف تقرا روشتة دكتور !!
** انّك ما تقابلش دكتور بارد ..يقولّك عاوزين دم ّ فصيلة kh4..دلوقتى حالا ..عشان المريض محتاج دم !..وتكون الساعة يدوب 2.5 صباحا !!
** الاسود بقى ..ان الدم موجود فعلا فى بنك الدم بتاع اهاليهم ..لكن دى تعليمات الوزارة !!
فى المستشفيات الحكومية
** انّك تلاقى مستشفى حيطانها كانت متبيّضة فى يوم من الايّام ..ويا سلام لو عرفت اللون – السابق – للحيطة !!
** انّك ما تلاقيش ريحة السجاير معبّقة المستشفى من فوقيها لتحتيها ..كأنها حالة حرب كيميائية من بتوع صدّام !!
**
انّك تلاقى المستشفى هادية ..مش عبارة عن سيمفونية سودة من اصوات الاغانى
اللى على الموبايلات ..اللى ماسكينها الممرضات ..وبتوع الامن ..والناس اللى جايين زيارة للمرضى !!
** انّك تلاقى اسانسير شغّال !!
** ولو لقيته شغّال ..تلاقى العامل اللى ماسكه ..مبتسم فى خِلقتك ..وما يحسسكش انّك أجرمت عشان ما طلعتش السلم يا وغد !!
** انّك تلاقى الحاجات اللى بتتباع فى المستشفى – مشروبات ومأكولات – بنفس اسعار الخارج !!
** انّك تلاقى ممرضة بتعمل حاجة لوجه الله !!
** انّك تلاقى المستشفى ريحتها حلوة !!
** انّك ما تلاقيش كتابة على حيطان المستشفى من عيّنة ..ابو سندس و بس !!…زيكا مفيش غيره …ابو اللول ..دة غير الملصقات الاعلانية ..عن كل حاجة !!
** انّك تلاقى صندوق للشكاوى و الاقتراحات …وتحس ان جوّاه ولو ورقة فاضية ..على اساس ان فيه مواطن اهبل صدّق ان فيه حد حيفتح الصندوق دة فى يوم من الايام !!
** انّك ما تلاقيش على الصندوق نفسه ..مكتوب رسائل خاصة من مواطنين ..أرفع لهم القبعة على ما كتبوه فعلا
- الشكوى لغير الله مذلّة !
- مشروع فاشل
- قال تعالى (وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ (42( . سورة ابراهيم .
!!!!!!!!!!!!!!!!!!!!!!!!!!!!!!!
** انّك تلاقى ورقة جربانة مكتوب عليها تعليمات جهاز السلامة والصحة المهنية
- وجّه طفاية الحريق نحو أسفل النيران
- وضع طفاية الحريق فى وضع رأسى دائما
- حاول ان تخلى المكان من مصدر النيران ( تجويع النيران ) . على اساس ان انت فاهم يعنى !!
- استدعى زملاءك فى الدفاع المدنى !
- لا تُثر الزعر ( قصدهم : الذعر ..!! سامحهم معلهش !! جمال عبد الناصر ومجّانية التعليم ..انت فاهم !! ) , وهدّء من روع ( شفت رَوْع دى !!) زملاءك !!
** اللذيذ فى الموضوع بقى ..ان طفايات الحريق ..غالبا بيبقوا لاطعينها فوووووووق جنب السقف بحاجة بسيطة !..يعنى لا قدر الله ..لو فيه حريقة ..هتحتاج تتصل بالسلعوة لاعب السلة بتاع زمان ..أو مايكل جوردون من امريكا ..بتاع السلة برضو …أو …تهمد وتجرى وما تقرفناش !!
فى المستشفيات الخاصة !!
** معلّش يا اخوانّا ..علاقتى ضعيفة جدا بعلم السياحة والفنادق !!
أخيرا
كفاية كده يا اخوانّا ..عشان حمدى السيّد
– نقيب الأطباء – بيزعل يا جماعة ..مش كفاية صفحات الحوادث عليه ..من
فضايح مستشفيات التجميل ..للفضايح الخاصة بالدكاترة الفاسدين !!
مش ناقصانى يعنى !!
وفى نهاية الادراج ..بطلب غنوة الفنان محمد فؤاد بتاعت زمان !
عاش الطب ..وأهل الطب ..والله ما يشبّعنى حب !!
ـــــــــــــــــــــــــــــــــــــــــــــــــــــــــ
التصنيفات : مصر اللى مش ف دماغها !!! | السمات:كليات القمة, كليات الطب, نقيب الاطباء, نقابة الاطباء, نقابة الاطباء المصرية, نبيل فاروق, مكتب التنسيق, مايكل جوردون, مافيا الاتجار, مجانية التعليم, مستشفى القصر العينى, مستشفى استثمارى, مستشفى جراحات اليوم الواحد, اوائل الدفعات, القصر العينى, المستشفيات الاستثمارية, المستشفيات الحكومية, المستشفيات الخاصة, الثانوية العامة, الجامعة المصرية, السلعوة, الطب البيطرى, الطب البشرى, اساتذة الجامعات, جهاز السلامة والصحة المهنية, جمال عبد الناصر, جراحات التجميل, حمدى السيد, طفايات الحريق, علاء صادق, عمليات التجميل, صفحات الحوادث, صدام حسين
أرسل الإدراج | دوّن الإدراج
58 تعليق على “عجائب الدنيا المصرية (8) – مصر اللى مش ف دماغها !!”
اكتب تعليــقكالسلام عليكم و رحمة الله و بركاته
تسمع فيروز ؟!
هنا
فبراير 7th, 2010 at 7 فبراير 2010 7:18 م
هههههههههه(ياعينى عليهم بتوع الطب غلابة اوى وبيتجوزوا وهما فى سن 40 سنة بدرى اوى)
فبراير 8th, 2010 at 8 فبراير 2010 4:52 ص
مثل
التوصيه بجراحه لمريض ليس في حاجة لها وارهابه وتخويفه حتي يقبل ويدفع اكثر
وصف ادويه لا يحتاجها المريض عشان يشغل الصيدلي صاحبو
السؤال
لماذا نتوقع طبا صالحا في مجتمع فسد رأسه ؟؟؟
فبراير 8th, 2010 at 8 فبراير 2010 11:50 ص
الأستاذ عادل
صدقت والله فى اللى بتقوله وعلى فكره أنا بقولك الكلام دا من تجارب شخصيه حصلت لى بواقع أن أخوى صيدلي وفى جنب الصيدليه دكاتره عارفينهم معرفه شخصيه فالدكتور اللى المندوب يظبطه كروت شحن ورحلات وكلام من دا يكتب الدوا اللى بيبيعه المندوب دا لأى مريض اللى عنده صداع واللى عنده بواسير كله زى بعضه ويوم ما المندوب يقصر خلاص العلاج دا ميتكتبش حتى لو كان المريض محتاجه
أقولك على حاجه والله أنا مره لقيت ست أنواع مسكنات كلهم لهم نفس التأثير دا كله علشان مناديب الست شركات مظبطينه وإنا لله وإنا إليه راجعون
فبراير 8th, 2010 at 8 فبراير 2010 1:15 م
فعلا العلم في مصر عاوز اعادة دراسة
لان الكفاءات بتهرب
والطبيب الشاطر بينجح في اروبا
مش موضوع طب وبس
انا عارف ان الطب اهم مهنة في الوجود
يعني السيارة لو مفيش ليها ميكانيكي .. ارميها في الزبالة
والانسان لو ملقاش طبيب شاطر .. كمان ارمية في الزبالة
انا محلمتش ابقى طبيب لكني بحلم ان كل مريض يلاقي علاج
وكل فقير يلاقي احترامة في المستشفيات
ومش كفاية علية فقرة … بيسرقوا منة كمان كليتة وعيونة ويمكن كمان يسرقوة كلة على بعض .. مهو فقير ..
ويا سلام عليك يا فقير .. لما تكون تعبان وتروح تكشف في مستشفى حكومي…
وكان الدكاترة لاقوا المطلوب … فار للتجارب والفحوصات….. وتجربة الادوية والتحليلات …
واصدار الافكار العلاجية والنظريات … وفي النهاية يموت هو واهلة ويفوزوا هما بالجوائز والشهادات…
ويا سلام في توزيع الادوية الفاسدة
وما ادارك ما هي الادوية الفاسدة
كل مستشفى بتحصل على مجموعة ادوية لتوزيعا على الغلابة العيانين
يقوموا ولاد الايه بتجميع الادوية الفسادة ومنتهية الصلاحية من االسوق في موسم المشمش والبرقوق ويبدلوه من مستشفيات اهاليهم الحكومية … مقابلا عمولات رسمية
وياخذ المريض الفقير الادوية المتنتهية
نصيحة لكل مريض فقير عدمان … موت بشرف في البيت احسن ما تموت في مستشفيات حكومية الادوية فيها منتهية.
واعمل تامين على كل اعضاءك قبل ما تدخل اي عملية ..
سلام للجميع ..
صاحبك الانتيم
فبراير 9th, 2010 at 9 فبراير 2010 5:50 م
كل همّك فى الجواز ؟!
دى الحاجة اللى قطّعت قلبك انهم بيتجوزوا متأخر ؟!!!
عموما يا صديقى انت خاطب ..وقرّبت خلاص تدخل ( قفص ) الزوجيّة , نفسى اشوف رأيك بقى ..( بعد ) الجواز !!!!!!!!!! ّ
فبراير 9th, 2010 at 9 فبراير 2010 5:52 م
جميلة نظرية ( عدوى انعدام الضمير ) , التى بدايتها الحكّام , ونهايتها المحكومين !
وجهة نظر !
فبراير 9th, 2010 at 9 فبراير 2010 5:55 م
معلوماتك أذهلتنى
وصدمتنى أكتر منا مصدوم !!
ربنا يكرمك !!
فبراير 9th, 2010 at 9 فبراير 2010 5:58 م
بجد انا معرفش حد بالاسم دة ..يا صاحبى الانتيم !
قول اسمك الحقيقى ..ولا خايف من المباحث !!
عموما تشرّفت بتعليقك
اشكرك .
فبراير 9th, 2010 at 9 فبراير 2010 6:02 م
طبعا تعليقك ..صعب انشره !
وصعب حتى اناقشه !
عموما
من أخ مسلم ..لأخوه المسلم
ادعى لمصر - حكومة وشعبا - بصلاح الحال والاحوال , وأن يردها , ويردكم أنتم أيضا , وكل العرب ..إلى الإسلام ردا جميلا .
والله المستعان .
فبراير 10th, 2010 at 10 فبراير 2010 10:08 م
انت مستغرب ليه أنت فعلا فى بلد العجائب
السندباد لو أنه عايش كان لازم يبقى متمرمط فى مصر علشان يسجل عجائب وغرائب ما حلم بها فى حياته
دام ابداعك وكفاية وجع
الله يسترك
فبراير 11th, 2010 at 11 فبراير 2010 1:33 م
والله يا عم عادل ما فيه أغلى من ” الصحة ”
موش وزارة الصحة طبعا !!
الصحة دى كنز وخصوصا فى الايام دي اللى بيتعمل فيها البشر فئران تجارب …
نسأل الله تبارك وتعالى أن يمتعنا جميعاً بالصحة والعافية ..
عندي تعليق تاني يا عادل ..
إن فيه ناس ترلالى بتفتكر إننا لما بننتقد أوضاع فى مصر
إن ده عيب فى مصر بالعكس كلنا لما بنتكلم عن أوضاع سلبية ده علشان بنحب البلد دي .. وفى كتير من الدول العربية عندهم بلاوي أكتر من مصر لكن محدش بيتكلم عليها لكن عندنا فى مصر بنتكلم فرغم ان الحرية عندنا عرجاء إلا إننا بنتكلم لكن فى غير مصر الحرية عندهم فيها شلل والفساد معشعش وفاكرين أنهم عايشين فى
” يوتوبيا “
فبراير 11th, 2010 at 11 فبراير 2010 2:30 م
**************
شفت حرف الدال بيكلف قد ايه فلوس وجهد ووقت
كل ما ادرجته هنا واقع ملموس
والمريض الغلبان بيدفع ثمن كل ده من صحته ومن فلوسه
هو ده عالمنا العربى
واللى مش عاجبه يمشى على حواجبه
بس ازاى ؟؟؟؟؟؟؟؟؟؟؟؟؟؟؟؟؟؟؟؟؟؟
أمييييييييييييييييييييره
فبراير 14th, 2010 at 14 فبراير 2010 12:24 م
كيسمايو: الفرنسية
أفاد شهود عيان في كيسمايو جنوب الصومال اليوم أن مقاتلي حركة الشباب الإسلامية الصومالية قاموا بجلد ثلاثة صوماليين اتهموهم بمشاهدة شرائط فيديو إباحية على هواتفهم النقالة.
وتلقى رجلان صوماليان وامرأة في الثلاثين من عمرها، ثلاثين جلدة أمام مئات الأشخاص وحكم عليهم أيضا بالسجن 25 يوما.
وقال الشاهد عبد الله حسن “حضرت التجمع وكانت المرأة تصرخ عندما كانت تتعرض إلى العقوبة. انه تحذير لكل من يستخدم الهاتف لمشاهدة افلام فيها مشاهد عري”.
وقال الشاهد نور عدن مختار انه تم تشديد العقوبة التي كانت الجلد 15 مرة والسجن 15 يوما بسبب العدد المتزايد من الناس الذين تم توقيفهم لمشاهدتهم أفلاما تحرمها حركة الشباب.
عقبال يا رب ما يطبق في جميع الدول الاسلامية
عقبال يا رب ما يطبق في جميع الدول الاسلامية
عقبال يا رب ما يطبق في جميع الدول الاسلامية
عقبال يا رب ما يطبق في جميع الدول الاسلامية
http://www.aleqt.com/2010/02/13/article_349008.html
فبراير 14th, 2010 at 14 فبراير 2010 11:30 م
__________________________________________________
السلام عليكم ….
لا نعرف موقفكم من الدكتور البرادعي … إذا كان موقفكم بالتأييدالرجاء الإنضمام لباقي المدونات المصرية و نشر هذا البانر على مدونتكم وربطه بلينك جروب الحملة على الفيس بوك ، حسب التعليمات المرفقة أدناه :
————————————————–
البانر عبارة عن صورة متحركة وبقياسات
187 88X
الرجاء وضعها في مكان بارز في المدونة … من أجل مصر فقط !!
لينك الصورة :
رابط جروب الحملة الرسمية على الفيس بوك الذي يجب ربطه بالصورة هو:
http://www.facebook.com/group.php?gid=123551066565
————————————————–
ندعم ترشيح البرادعي معاً من أجل مصر أفضل …
فيديو ترويجي للحملة :
بعنوان : رسالة البرادعي للأمة
http://www.youtube.com/watch?v=OjZ9GpmAXeg
فبراير 15th, 2010 at 15 فبراير 2010 4:23 م
الفساد بشع ولكنه في اماكن يكون اكثر بشاعة
الطب هو الانسانية بحد ذاتها فكيف إذا أصبح هو مصدرا
من مصادر الفساد .. الله لا يقدر .. كله إلا الطب
الله يرحمنا ويلطف بينا وهذا فعلا زمن العجائب
شكرا لك اخي وبارك الله فيك
فبراير 16th, 2010 at 16 فبراير 2010 2:13 ص
كيف اخبارك يا صديقي الجميل
أتمناك بخير دائماً
ما دمنا في مصر..ستظل العجائب
الطب الطب..
تسلمي يا جميل
نيجوووووووووووووووور .
فبراير 16th, 2010 at 16 فبراير 2010 9:09 م
بداية أشكر مرورك الرائع بمدونتى .. و أعتذر عن تأخرى
أخى عادل : بالفعل مصر أم العجائب و لكن المنظومة جميعها ” بايظة ” فلابد
أن نتوقع تلك الحالة المتردية و العالية من ” البوظان ”
و لكن للأسف أصعب شيىء أن يكون ذلك فى مهنة من أشرف و أنبل المهن و أهمها
لأنها تتعلق بأرواح البشر .. ترى هل يأتى يوماً من الممكن أن نرى فيه
مؤسسات مصر الطبية تنعم بحقوق الإنسان التى ينعم بها أغلب البشر فى الدول
التى تحترم نفسها ؟ أتمنى …
لك خالص تحياتى و تقديرى
فبراير 17th, 2010 at 17 فبراير 2010 1:27 ص
تلك التى كانت اما للدنيا
فحولها الخائنون الى اضحوكة ورضوا بالذل والخنوع
لك الله يا مصر
تحياتى اخى الكريم
فبراير 17th, 2010 at 17 فبراير 2010 11:28 م
اولا اود ان اشكرك لمجيئك الى صفحاتي بعد طول غياب
بعدين يا استاذ التجاوزات موجوده بنسب متفاوته
ما ذكرته صحيحا .. في مصر وفي كل مكان
فساد يستفحل كما السرطان ..
يحرق الاخضر واليابس
ولكن لا يشعر بأثارة الا من اكتوى بنارة
دمت بمحبة
فبراير 19th, 2010 at 19 فبراير 2010 7:34 ص
جميل ان يذكرنا بيوم الشهيد امثالك الأفاضل
يا استاذ عادل تلك الإحتفالات والذكريات ما جعلت الا للإلهاء الفقراء والبلهاء من امثالي بأن هناك كرامة وهناك تاريخ يمجد , وهل نصدق ذلك ونحن الذين نشهد اليوم كيف يهان التاريخ داخليا وخارجيا ؟؟؟
لا معنى للإحتفاء بالشهداء عندما يصبحون ارقاما يعبث بها الأحياء , ارقاما يرقص عليها البعض في البلاتوهات , استاذي عادل شكرا لمرورك الكريم وتذكيرك الطيب بتاريخنا الذي لن نعرف معناه الا عندما نفقده ويضيع منا كما ضاع منا استقلالنا
الحبيب عادل حجازي
ذكريات الأوطان صارت تقض مضاجعنا ونحن نعيش هذه الإنكسارات
ذكريات الشهداء والأسرى والفدائيين والمجاهدين تتوالى في اوطاننا ولاشيئ على الواقع
باختصار قال مفدي زكرياء شاعر الثورة هذا الإختصار:
نحن منْ أبطالنا ندفعُ جًندا
و على أشلائنا نصنع مجدا
و على أرواجنا نصعدٌ خُلْدا
و على هاماتنا نرفعُ بندا
جبهة التحرير أعطيناك عهدا
و عقدنا العزم أن تحيا الجزائر
فاشهدوا…..فاشهدوا…..فاشهدوا.
شهدنا لهم بذلك ونشهد اليوم على انفسنا الويلات
فبراير 19th, 2010 at 19 فبراير 2010 11:51 ص
الأخ عادل ، السلام عليكم ، جمعة مباركة ، جئت فقط لرد التحية ولتسجيل حضوري ، مدونتك جميلة وجديرة بالتصفح ، لكن دول يومين أنا غلبان وحيران وزعلان ميلي بيحصل عندنا في بلدنا الجزائر…أن الأطباء الأختصاصيين في إضراب مفتوح على طول منذ مدة ولا حدا بيستقبلهم بل بل بل عفوا سيدي إستقبلتهم الشرطة بالعصي الحديدية والخشبية على خيشومهم وعلى ركبهم وعلى….
أنظروا يا ناس كيف الحال في أخر الزمن…. بينما أعلى سلطة في هرم الدولة تستقبل أصحاب الجلد المنفوخ والذين لا خير من ورائهم يرجى للمواطن الغلبان الجوعان المقهور المكسور الجناح المطرود المهموم الحيران المحتار…سبحان مقلب الأحوال من حال الى حال….أقولها وبصراحة لا خير في أنظمتنا العربية للشعوب فكلهم آلآم ومآسي وأحزان وعيوب….عودة مرة أخرى ، فكر يا أخي في العلاج وما السبيل الى ذلك؟؟؟؟؟ فكلنا في الهم شرق..تحياتي.
فبراير 19th, 2010 at 19 فبراير 2010 2:46 م
انت فين يا عم عادل …..
وحشتني نصائحك
فبراير 19th, 2010 at 19 فبراير 2010 2:48 م
فبراير 19th, 2010 at 19 فبراير 2010 8:19 م
.
.
صبآحكم مسآئكم خير وسعآدة
أحببتُ أن أدعوك للتسجيل في دورة الفوتوشوب
http://www.a7la-aiamy.com/vb/showthread.php?t=12811
أتمنى أن تشآرك فيهآ
.
.
أسعدك الأله
فبراير 20th, 2010 at 20 فبراير 2010 1:54 م
أعجبني تعليق ايناس :
“بالفعل مصر أم العجائب و لكن المنظومة جميعها ” بايظة ”
دا ما عندكم انتو بس ولكن عندنا ايضا الكل ضايع سواء طبيب او محاسب او أي تخصص ,والبقاء لمن له ظهر ينتكل عليه
فبراير 21st, 2010 at 21 فبراير 2010 8:49 ص
والا يعنى احنا استوردناهم
احنا اللى عملناهم كده
ربنا لم يخلقهم كده
وبعدين نقعد نسال ايه اللى خلاهم كده
قال يعنى مش احنا اللى عاملينها
واننا دافنينه سوا
فبراير 21st, 2010 at 21 فبراير 2010 8:53 ص
والله ياعمى اختلافهم رحمة
لانه لما بيتفقوا بتحصل بلاوى
قول دائما الللهم اجعلهم لايتفقون علىينا
وعموما
اللى يمشى ورا كلام الدكاترة لايلومن الا نفسه
فبراير 21st, 2010 at 21 فبراير 2010 8:53 ص
كتبهاالنت بتتكلم عربى- الفيل ، في 21 فبراير 2010 الساعة: 08:07 ص
اهو كويس وخلاص
دى العبارة اللى حكم بيها الشعب المصرى على حكامه فى بداية حكمهم-تلك العبارة التى اخفت او جبرت احساس بانطباع اولى عميق بانهم ماينفعوش اساسا يكونوا حكام
جمال عبد الناصر(ضابط صعيدى شاب ميعرفش حاجة اذا ماقارنته بالنحاس باشا مثلا)
السادات(الفلاح الضعيف التابع المتلون-جابلك ايه ياصبية عبد الناصر لما مات….جابلك …. من المنوفية اسمه انور السادات)
حسنى مبارك(ال… الضاحكة)المبتسم دائما والموظف الذى لايبدى رايا فى اى شئ تجنبا لتحمل المسئولية
وفى كل مرة فوجئ الشعب المصرى بان حكمهالمبدئى والانطباعى على الرئيس فى بدايه ظهوره(القدرى)الغير مبرر) كان ابعد مايكون عن الصحة
فظهور الرئيس غالبا مايكون مصادفة
فالمصريون يتمنون فى قرارة انفسهم -بداية- حاكما ضعيفا(راجل طيب) يتوسمون فى ملامح وجهه انه لايفترى عليهم عندما يمسك بيديه ادوات الدولة الرهيبة
ويجب ان توحى ملامح وجهه انه راجل طيب وهليهلى ( سعد زغلول -النحاس باشا مثلا) وتوحى تلك الملامح انه لن يفترى عليهم
ويحظى ذلك الرئيس بتاييد صامت ف البداية
ثم تثبت التحولات الظرفية للمصريين عكس ما تمنوا
فيكرهون رئيسهم كما لم يكرهوا الشيطان نفسه
على اساس انه خالف تمنياتهم وفعل كذا وكذا ولم يحقق لهم شيئا مما وعدت به ملامح وجهه
ثم ينظرون الى الرئيس التالى متنمنين ان يكون نقيضا تاما للسابق فى كل صفاته
الان انظر الى صورة وجه الدكتور البرادعى
راجل دكتور
طيب
هليهلى
شكله موظف
باين عليه طيب
ويمكن متدين على خفيف(التدين المصرى التقليدى)
شكله مايعرفش يدبح فرخة
وابتسامته متحفظة
مش بتاع تغيير ولا انقلابات ولا خطابات ولا قرارات ووجع دماغ
غلبان وف حاله
لو اخد قرار وحد انظلم فيه ممكن انه لاينام للصبح ويروح يصالحه
ممكن يطلع ف خبر فى اخر النشرة مش ف اولها
———–
لذلك
ربما ان جهات كتيره واعية بنفسية المصريين ممكن تساند وجود البرادعى كبديل حتى ولو نظريا
وناس كتيرة من الشعب ممكن تتبنى البرادعى حتى ولو فى صمت الشماته ممن قال مفيش بديل
ولاشك ان الوضع القاسى والضاغط اللى وصلت له نفسية المصريين حاليا - ممكن ان تجعل البرادعى بديلا مريحا ف البداية يسهل عملية انتقال السلطة المتعسر
وف اللحظة التى يومئ فيها الشعب المصرى صامتا- بانه راض مبدئيا وانطباعياعن الرئيس الذى ياتى بالمصادفة فى كل مرة
فى تلك اللحظة التى تكررت عدة مرات- لم يشغل احد باله بموقع الرئيس ضمن الترتيبات القائمة لحظتها وبعدها ضمن جهاز(وادوات وقوى) الدولة القائم والتالى
مثلا كيف يمكن ان ياتى البرادعى من خارج جهاز الدولة والحزب الوطنى والذى هو على ضعفه- ربما تعتبره الاجهزة السيادية المتنفذة- تعتبر ادوات الدولة والحزب الوطنى بمثابة الاسمنت واللاصق الوحيد الذى يحول دون انفراط الدولة وتفككها بجمع كل مفاصل الدولة الاقتصادية-رجال اعمال مثلا- والادارية- من وكلاء وزارة ومديرين-
الى مراكز القوى الى باقى مكونات الطبقة الحاكمة- ليربطها الحزب برباط واحد حتى وان كان رباطا ضعيفا الا انه ارحم من تفككه
لذلك فعندما تم تعديل الدستور ليمنع اى مترشح للرئاسة- دون ان يكون الرئيس او من يرشحه الرئيس -كما جرت العادة خلال الخمسين سنة الماضي- حيمنا تم تعديل الدستور بذلك لم يكن الامر اختيارا فرديا للرئيس او لابنه كما يشاع يل هو اختيار مصيرى لطبقة حاكمة تعتقد ان اى شئ غير كده يعنى تفكك روابط الدولة (التى اصطنعوها) فورا
فليس البعبع هو وصول الاخوان للحكم
بل هو وصول اى شخص او قوة من خارج هذة المنظومة المغلقة الى الحكم
وعندما تصل الامور -واقعيا- الى ازمة ان اى تغيير -سيؤدى لا محالة الى انهيار الدولة
وان اذا تعرضت الطبقة الحاكمة وادوات الدولة الى اى شعاع ضوء او لفحة اكسجين ديمقراطية- فانه ستحترق لفورها
حين نصل الى تلك النقطة
نكون وصلنا الى بداية الصدام والانهيار الحتمى بين مصالح هؤلاء الذين ارتهنوا الحاضر والمستقبل وكل امكانيات الوطن- وبين مصالح الملايين الذين حرموا من عدالة ان يبحثوا عن مصالحهم ضمن اطار وطن لم يعد لهم فيه خيار او حق او يد او موضع قدم
—–
اما ان يتصور احد ان الامر بسيط الى درجة ان نقول افتح ياسمسم فينفتح باب المغارة المغلق ويدخل البرادعى لياتى لنا باللؤلؤ والزمرد والياقوت
فاظن ان ذلك ابعد مايكون عن مقاربة الواقع
فتلك المغارة لاتفتح بمجرد ان تقول افتح ياسمسم
فبراير 21st, 2010 at 21 فبراير 2010 10:59 ص
توقيعك باسم حبيب قلبى ..أربكنى بالفعل …مكنتش عارف انت مين اشكرك يا جميل على تواصلك ..وتعليقاتك الرائعة
يا ترى اخبار اليمن ايه ؟!
اوعى تكون بقيت مدمن قات !!!
ههههههههههههههههههههه
بحبك فى الله .
فبراير 21st, 2010 at 21 فبراير 2010 11:01 ص
السندباد لو كان عايش فى مصر ..كان زمانه متشعبط فى اتوبيس ..وتلات تربع جسمه مدلوق فى الشارع !!!!!!!!!!!!!!!!!
كويّس انه مات بدرى !!
تحياتى .
فبراير 21st, 2010 at 21 فبراير 2010 11:08 ص
شوف
منتهى الشجاعة
ومنتهى القوّة
ومنتهى الجسارة
ومنتهى الصح …أن نكاشف أنفسنا بما نحن عليه فعلا هكذا شأن كل الدول ( اللى بتفهم ) !
اما الدول اللى بتلغى صفحة الحوادث من جرايدها ..وبتكتم بق اى حد بينقد الاوضاع ..وبتخنق اى نسمة تعبير حقيقية
اللى عايشين فى وهم انهم مية مية عشان اى انجاز تافه مالوش ريحة اللازمة !
اللى عايشين فى غيبوبة !!
سيبهم فى غيبوبتهم طالما همّا مرتاحين !!
احنا بقى ..المصريين …خلينا ننشر غسيلنا القذر ..ونسىء لسمعة مصر ..والمصريين ..زى ما حنا عاوزين!!
ومن حَكمَ فيما يَملُك فما ظَلَم ْ !!!!!!!!!!!!!!!!!!!!!!!!!!!!!!!!!!!
فبراير 21st, 2010 at 21 فبراير 2010 11:10 ص
شوفى بصراحة اللى بيلزق حرف الدال قدام اسمه ..رغم تركه مجال الطب
عنده عقدة نقص ..ومتخلف !
مع احترامى لدكاترة كثيرين اصبحوا ادباء كبار جدا !!!
فبراير 21st, 2010 at 21 فبراير 2010 11:14 ص
انت قلت اولّع فى الايميل لو انا ضد البرادعى !
سامحنى انا ضدّه !
ومع ذلك نشرت الايميل …محدّش يخاف يا اخوانا ..مش للدرجة دى !!
وعلى فكرة قوام اهوه ..لحسن استاذ هيثم خليل يقول عليّا مباركى !!
انا ضد فترة جديدة للرئيس مبارك !
وكذلك ..جمال مبارك !!
حلو كدة ؟؟؟؟؟؟؟؟؟ !!!!!!!!!!!!!!!!!!!!!!
فبراير 21st, 2010 at 21 فبراير 2010 11:17 ص
انا فرحان ان انت فرحان بنشر مجموعتك القصصية ..وكذلك للاستاذة ناديه طه !
لكن !!
الاسم المطبوع …لا يعنى شهادة الايزو على ما نكتب !!
ولا مجاملات مكتوب !!
القصة مختلفة تماما !!
فبراير 21st, 2010 at 21 فبراير 2010 11:21 ص
المفروض فعلا أن لا (يضرب ) الفساد قطاع مهم جدا مثل قطاع الطب ..الذى يتعامل فى ( أرواح ) الناس !!
لكنه للأسف
ضربه
وكسّره
ودغدغه
وشحْوره ..مليون حِتّة !!!!
تحيّاتى .
فبراير 21st, 2010 at 21 فبراير 2010 11:23 ص
حييجى اليوم دة ان شاء الله
بأمر الله
تحياتى
فبراير 21st, 2010 at 21 فبراير 2010 11:32 ص
مصر ..حولّها الخائنون إلى أضحوكة !
هذه هى عبارتك !
أعتقد الوصف غير صحيح !
لو حضرتك ليك فى الكورة …اى فريق فى الملعب ..11 لاعب…وبعدين ..دكة الاحتياطى ..6 بالجون …يعنى ..كلهم 18 فيه لعيبة بقى مسجّلة فى النادى ..بس بيخرجوا على طول بره ال 18 !
مصر بقى مش بره ال 18 بس !
لأ دى بره النادى كلّه !!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!
فبراير 21st, 2010 at 21 فبراير 2010 11:35 ص
اعتذر عن عدم التواصل الدائم مع مدونتك ومدونات الآخرين أيضا
وصدقاً
كلّى رغبة فى أن أقرأ كل ( حرف ) على مكتوب
لكنّه ..الوقت ..الذى لا يرحمنا جميعا .
شكرا لزيارتك وتعليقك
تحياتى الدائمة .
فبراير 21st, 2010 at 21 فبراير 2010 11:45 ص
شهداء الجزائر لا يحتاجون عادل حجازى ليهنىء الشعب الجزائرى باليوم الذى جعلتموه للاحتفال بهم ..18 فبراير !
شهداء مصر لا يحتاجون عادل حجازى ليتحدث عنهم !
شهداء فلسطين !
شهداء الإسلام فى كل مكان
نحن - أخى الكريم - الذين نحتاج لهم ..أن نضع صورتهم أمام أعيننا ..بعد أن أوهمنا (زعماؤنا البواسل ) بجحيم الحروب التى تدافع عن أراضينا المقدّسة ( المحتلة ) من قِبَل ( أنجاس ) الأرض , وبنعيم السلام ..يا سلام يا سلام الذى نعيش فيه !!!
الشهداء الذين هم أحياءٌ عند ربهم يرزقون ..لا يحتاجون الميّتين وهم أحياء !
ليتنا نموت ميتتهم الباهرة الماجدة
ليتنا نموت ميتتهم الباهرة الماجدة
ليتنا نموت ميتتهم الباهرة الماجدة
قل معى أخى الكريم : اللهم ّ آمين .
فبراير 21st, 2010 at 21 فبراير 2010 11:50 ص
فعلا ..أخى الكريم ..كلنا فى الهم شرق ٌ
والعجيب ..أن يزهو ( السفهاء منا ) بانتصارات وهمية فى رياضة ( الجلد المنفوخ ) !
وصلتم المونديال ؟ !
برافو !
خدنا تالت بطولة افريقية ؟!
55 مليون برافو !!!
هل شبع فقراء الجزائر الآن ؟؟
هل نام فقراء مصر مطمئنين الآن ؟؟
يا رب
اللهم أرنا الأشياء َ على حقيقتها !
آمين .
فبراير 21st, 2010 at 21 فبراير 2010 12:03 م
اول نصيحة ..شيل لقب الهلفوت اللى بتحطه قدام اسمك دة !!
الحاجة التانية
انت ( صوت ) نفسك !
انت مش محتاج نصايحى ولا نصايح غيرى !
الحاجة التالتة
اوعى تفرح بمجاملات مكتوب !!
الحاجة الرابعة
عندك - على ما اعرف - 22 سنة ..صح ؟
قريت صلاح جاهين …كلّه ؟!
فؤاد حداد ؟ الابنودى ؟ نجم ؟ بيرم ؟؟ ديوان رامى فى العامية ؟ حسين السيد ؟ حتى مصطفى كامل بتاع دلوقتى ؟
العروض اخبارها ايه ؟؟!!
النحو والصرف ..واللغة العربية الفصحى ؟؟!!!
مشيت فى شوارع مصر الراقية وغير الراقية ؟!
قعدت على قهوة و لعبت طاولة وطلبت شاى ميزة ؟!!
قعدت فى غيط ساعتين تتأمل ؟!
قعدت وسط المقابر ساعة تشوف مصير كل بنى آدم ؟!
حبّيت ؟!!!!!!!!!!!
حضرت درس علم فى مسجد ؟؟
قعدت مع صيّع ؟!!!!!!!!!!
ركبت قطر متروس ناس ؟؟!!
عايش الحياة - بالطول والعرض والعمق - ولا واحد وخلاص ؟!!!!!!!!!!!!
بس خلاص !!!!!!
ودة مش امتحان ..دى مجرد اثارة لروحك ودماغك !!
ويا خوفى تقرى التعليق دة ..والاقيك شغّال تكتب برضو كل يوم رباعية ..وبعدين
اذ فجأتن !!
حفلة توقيع لديوانك الشعرى الأول …!!!!
فبراير 21st, 2010 at 21 فبراير 2010 12:11 م
شكرا على الدعوة
فقط ملاحظة جدا
فى تعليقك عبارة : أسعدك الأله
يا جماعة ارجوكم
بالله عليكم
لفظ الجلالة …لازم يُكتب بدقة …مش ممكن الاستخفاف يوصل بينا لحد كده
ارجوكم
أسعدك ..الله .
فبراير 21st, 2010 at 21 فبراير 2010 12:20 م
جاءتنى تعليقات سابقة من أردنيين وجزائريين ومغاربة ..بما معناه ان الحال من بعضه !!
حلو!!
اكتبوا الكلام دة على مدوناتكم
نفسى اشوف عجائب الدنيا الاردنية
القطرية
الكويتية
كل واحد بطريقته !!!
مش معقول كل ما نفتح صفحة الاكثر تعليقا على مكتوب ..نلاقى ..بقدرة قادر كدة ..الصفحتين كلهم مدونات بتوقيعات - المفروض !! - نسائية !!
مدونة همسة المساء ..ووردة الصحراء..ووتر السحلوب ..اقصد..القلوب ..و جارة القمر …وحنين مالهوش أخر…وشفق الننوس..أقصد..ضوء الشموع !
وتدخل تلاقى الادراجات كلها من نوعية :
استيقظت على نداء الذكريات !
بكى الدولاب
وصرخت الاباجورة !
ورأيت دماء جرح الكومودينو !!
أين انت يا حبيبى ؟
أين انت يا لولو ؟!
هل نسيت قلبى ؟؟
هل نسيت نقودى ؟؟!!
عنوان دارى ؟؟
امسياتنا الملعونة !!!؟؟؟؟
…………..
واى بتنجان اسود على دماغ اللى بيكتب واللى بيعلق على امل انه حيعلّق المزّة …بكام تعليق منافق …وبعدين ..كلام على الشات ..لعل وعسى ..تطلع هيفاء وهبى ..مش شاب شاذ بيشتغل الناس !!!!!!!!!!!!!!!!!!!!!!!!!!
فبراير 21st, 2010 at 21 فبراير 2010 12:31 م
اختلافهم رحمة ؟!
مش معاك فى دى
..نروح حرّاز - أشهر عطّار فى مصر - ونخلص ؟!
دة حتى الراجل مات ..وعياله - بيقولوا- مش قد كده !
ربنا يعافينا أجمعين .
بالنسبة بقى لموضوع البرادعى
بجد كلامك فى الجون ..وم الآخر
افتح يا سمسم ..مش مع البرادعى ..ولا غيره
اى نعم الحاكم الصالح ..99 % من صلاح الأمة …لكن ..فى المرحلة دى خلينا نتعامل مع الحاكم - كما نتعامل فعلا الآن - انه مش معانا !
هو فى وادى عبقر
ونحن فى وادى النيل !!
نشتغل بايدينا - أحسن - فى كل مشاكلنا
نمسك مقشة ونشيل الزبالة ..زى دعوتك الحلوة بتاعت زمان ..اللى اتريق عليها البعض !!
همّ ..نسيونا
احنا كمان ننساهم !
مش اريّح برضو ؟!!!!!
فبراير 22nd, 2010 at 22 فبراير 2010 9:50 ص
بالراحة علينا شوية
قوللى الأول فين المجال اللى إنتفت فيه العلاقة بالبيزنس؟
وعايز تعرف تقرا الروشته ليه؟ مش كفاية الصيدلى يقراها
وطفاية الحريق اللى جنب السقف ، تضمن لو إتعلقت فى مكان أوطى إن الأطفال مايلعبوش فيها ويعملوا كارثة تلوموا عليها المستشفى لأنهم علقوها فى مكان فى متناول الجميع، والا تضمن إنها ماتتسرقش، بتلوم على الدكاترة سلوكهم ! لازم تلوم على الشعب كله سوء سلوكه
وبالمناسبة فى طلبة فى كلية الطب فقرا ومابيضطروش يبيعوا هدومهم علشان يتعلموا، بالعكس بيتعلموا كويس جداً ومستواهم العلمى عالى جداً تحب أقولك مين، أخوانا الطلبة المسيحيين لأن الكنائس بتشرف على تعليمهم وتدريبهم على إيد المعيدين المسيحيين خدمة مجانية، تفتكر كام معيد مسلم مننا فكر يقدم خدماته المجانية للطلبة المسلمين الغير قادرين على دفع تكلفة الدروس الخصوصية؟
بالنسبة للومك إن الدكتور يتمسك بالدال قدام إسمه ، فكل صاحب دال بيتمسك بيها ، يعنى المهندس اللى أخد دكتوراه بيتمسك إنك تقوله الدكتور المهندس فلان، مستكتر على دكتور قضى من عمره على الأقل عشر سنين دراسة مضنية إنه يتمسك بالدال اللى إستهلكت أحلى أيام عمره!!!!!!
بالمناسبة أى دارس قانون مابيشتغلش بالمحاماة ومنهم موظفين الشهر العقارى مثلا بيصروا على لقب أستاذ وأستاذة (أصل كلمة متر بقت موضة قديمة)
ومع نقدى للكلام المكتوب أنا معترفة بوجود مشكلة كبيرة وخطيرة فى القطاع الصحى لكن المشكلة الأساسية زى ماقلت مشكلة سلوك عام لازم يتغير ويتعدل
تحياتى لقلمك الجرىء
فبراير 22nd, 2010 at 22 فبراير 2010 5:47 م
حضرتك بتقولى : ( بالراحة علينا شويّة )
دى أقل راحة عندى !!
اقل من كده مش حاقدر !!
ثانيا
"""" قوللى الأول فين المجال اللى إنتفت فيه العلاقة بالبيزنس؟ """
تبرير الخطأ والخطيئة ..لا يكون بفضيحة وخطئية الأكبر !!
عيب جدا
أن يكون الاطباء المصريون لهم سمعة فى الدول العربية - وقد تكون سمعة مبالغ فيها - بقدرتهم الفذة على التهويل !!
المريض يدخل يشتكى من صداع فى راسه ..يقوم فجأة يلاقى نفسه فى موال اشعة على المخ والاعصاب ..وفحص شامل وكامل وحامل ..كووووووووووووووول دة ..عشان نستنزف الزوزو …الزبون يعنى !!!
ارواح الناس …مش تجارة .
.وكفى بفضيحة الاتجار بالاعضاء البشرية عارا على حال الطب الآن ..الذى تطالبيننى ..أن اكتب بشويش ..وعلى مهلى ..وبالراحة على سموّ الدكاترة !!!!
ثالثا
عاوز اعرف الروشتة ليه
…عشان دة حقى ببساطة …ممكن يكون عندى ثقافة محدودة من النت او من غيره ..اقوم افهم فى المادة الفاعلة ..او ..الاثار الجانبية ..على قدى يعنى …عشان لمّا الاقى دكتور قذر كاتب روشتة فيها تلات مسكنات كلهم بيعملوا حاجة واحدة ..ومالهمش لازمة اصلا ..لمجرد انه يشغّل الصيدلية اللى تحت عيادة معاليه ..اجرى اعمل محضر فى القسم ..وشكوى فى النقابة لجناب الجهبذ اللص !!
رابعا
الطفايات بتاعت الحريق نخليها فوق ..عشان الاطفال ما يلعبوش بيها ..فكرتنى بنظرية ..بلاش انتخابات حرة عشان الناس ما بتفهمش وهاينضحك عليها !!!
عموما نخليها جنب السقف ..بس يخلّوا لاعيبة الباسكت يشتغلوا امن بعد الضهر فى المستشفيات ..لزوم الطوارى ء !!!!!!!!!!!!!!!
خامسا
الفقير ما بيبيعش هدومه لو دخل طب - الفقير المسلم - ..ماشى …بيبيع حاجة تانية مثلا زيادة ؟!!
عاوز اعرفها !!
وبعدين مفيش معيدين مسلمين بيشرحوا للطلبة الفقرا مجانا … كلامك صحيح ويا ريت الجمعية الشرعية تراعى النقطة دى …بس…حمدى السيد حيوافق ؟!!!!
سادسا
بالنسبة للدكتور اللى متمسّك بحرف الدال
معلش
انا آسف
عنده نقص …و….متخلف !!!!
أخيرا
سعيد بتحفّظاتك و اختلاف الرأى ..لن يفسد للود و الاحترام أى قضية .
…………..
سلامى ..و…احترامى .
فبراير 22nd, 2010 at 22 فبراير 2010 6:17 م
يا ترى مقلوب قوى كده ع الدكاترة خدت منهم مقلب معتبر
و لا مشكلة التعليم المصرى بشكل عام
عمرو أديب امبارح جاب البنت دينا أبو الفضل الجندى فى مدرسة اعدادى
اعدادى
ولد موش عارف يستهج كلمة
اعدادى و الله
و التانى يقول 30 * 2
تساوى 32
لما تحب تتعالج
تسافر
و عايز تعلم عيالك
برضه سافر
فبراير 22nd, 2010 at 22 فبراير 2010 7:06 م
أنت بجد متجني علي الدكاتره جدا
أنا صيدلانيه وأشتغلت في مستشفيات من اللي بتتكلم عنها
لكن عمرنا ما قصرنا أبدا و يشهد الله علي ذلك وبالرغم من قله الدخل زي ما حضرتك ذكرت
والدكاتره كمان عمرهم ما قصروا
مع كتر عدد المرضي
ومع ذلك كل واحد بياخد حقه
بس المرضي بيبقوا عايزين دكتور مخصوص لكل مريض يشوف حالته ويطبطب عليه هو وبس
لكن الكلام اللي انت بتقوله مش القاعده في كل الدكاتره دي الاسثناءات بس
وكل مهنه وفيها استثناءات
وبعدين هما ياما بيتعبوا عشان المرضي
ومش كفايه أن أكتر الدكاتره الموجودين في كل الدول العربيه من مصر .. يبقي ازاي تعليمهم مش كفء .. وجت معاهم بالصدفه عشان مجموعهم في الثانويه..
بجد أنا لو قعدت أتكلم مش هبطل
بس أحزني أن يموت الدكاتره من العمل من أجل المرضي ويفضلوا الناس يتهموهم أنهم مقصرين
ملحوظه: أنا صيدلانيه ومش لاطعه قبل أسمي حرف الدال أو حتي الصاد.
دمت بخير
فبراير 22nd, 2010 at 22 فبراير 2010 7:22 م
أولا مش من حق المريض انه يقرا النشره الداخليه بتاعت الدواء .. ساعات بتبقي مكتوبه بالانجليزي وبيبقي مكتوب عليها من فوق للفريق الطبي فقط
مش أي واحد عارف كلمتين في الانجليزي أو الطب يقرأها
أو زي ما حضرتك قلت عندي ثقافه محدوده ( ازاي هيبقي عندك ثقافه محدوده وهتقرأ النشره الداخليه للدواء)
وكمان أحنا مش لصوص
أتهمت الدكاتره و الصيادله بأنهم لصوص
مين بقي اللي من حقه يعمل محضر في القسم بتهمه السب والقذف .. بس احنا مش هنعمل كده لأننا أكبر من كده
وبعدين طالما أنت مش واثق في الدكتور اللي بتكشف عنده .. بتكشف عنده ليه .. ما تكشف عند دكتور بتثق فيه..
المشكله أن الموضوع حضرتك كتبته بصيغه فيها سخريه تخللي كل اللي يقرأه يصدق
ومحدش هيفتكر الدكنور اللي اتصل بيه في نص الليل جري وساب مراته وولاده وراح للمريض يلحقه
أو الدكتور اللي حتم عليه واجبه أنه يقوم بعمله في أي مكان لو وجد مريض في حاجه لمساعده وبينسي أن معاه أسرته..
و أذكر أن كل ما كتبته هي الأستثناءات و أن القاعده العريضه شئ اخر أسمي من ذلك بكثير
فبراير 22nd, 2010 at 22 فبراير 2010 7:44 م
والله وحشتنى بجد
وحشتنى تعليقاتك
وادراجاتك
ومناقشاتك
وكلامك اللى فى العضل !
بالنسبة للادراج ..لا احمل اى موقف شخصى من الأطباء …على الاطلاق بل العكس فعمّى هو الدكتور ابراهيم حجازى .. الذى يدرّس لمئات الطلبة على مدى سنين - بارك الله فى عمره - قسم الطب الوقائى ..كلية طب القصر العينى
وزوجته كذلك
ومن اقاريى دكتور يشار اليه بالبنان فى مجال طب العيون ..جامعة الازهر…هو الدكتور سليم القاضى
ولدينا اجيال صاعدة فى الطب وفى الصيدلة !!
وأقاربى ..هم قطعة منّى ..!
فهل أشتم نفسى ؟!
حتى ان لم يكن لدىّ قريب واحد يعمل فى هذا المجال …فكل من يعمل …مهما كان عمله ..طالما يفيد المجتمع ..هو فى عينى وفوق رأسى .
ما يثيرنى …ببساطة ..وبالعامية المصرية… ان المجال دة بالذات
الطب
الغلطة بفورة !!
ما ينفعش يبقى فيه فساد ..أو..انعدام رقابة ..أو ..افلات من العقاب ان ثبت التقصير
أرواحنا …ليست لعبة ..فى يد شركات الدم الفاسد ..والاطباء الفاسدين وهم قطعا ليسوا ( كل ) الأطباء ..ولا الصيادلة .
الكثيرون ..شرفاء..مخلصون ..محترمون .
أنا أتكلم عن ( فئة ) ضالة مضلّة ..هانت عليها كل القيّم , وهم موجودون , ولا ينكر وجودهم ..الا ..من يريد أن يقنع أن نفسه أنه يعيش على كوكب الفضيلة !!
كل ما ذكرته …موجود .
بعضه رأيته بعينى
وبعضه سمعته من مَنْ أثق فيهم تماما
ويكفى زيارة لصفحات الجرائد..ولموقع الطلبة ..طلبة الطب أنفسهم ..وهو موقع يُدعى ( دفعتنا ) زيارة واحدة سيعلم كل من صادف ادراجى هذا ..ان انا كنت بهزر معاكم
لأن ما خفى
كان ..أسْوَد !!!!!!!!!!!!!!!!!!!!!!!!
فبراير 22nd, 2010 at 22 فبراير 2010 7:55 م
أتشّرف بوجود حضرتك ..وبتعليقك .
ومن حقك …بكل فخر ..أن تضعى حرف الدال أمام اسمك
لأنها مهنتك ..التى اخترتيها ..وتعملين بها ..وتباهين بها الدنيا
وهى مهنة ..فعلا..تستحق أن يفخر المنتسب إليها بها
يكفيه شرفا ..أن جعله الله ( سبحانه و تعالى ) بابا لتفريج كربات الناس
سببا فى شفائهم
فى افلاتهم - مؤقتا - من الموت ..الذى هو قدرهم حتما …
لكنه ..ليس من حق ( علاء صادق ) !!!!
لأنه صحفى رياضى ..بتاع كورة ….بس !!
مش من حق ( نبيل فاروق ) …لأنه كاتب روايات بوليسية !! أ
ظن الفرق واضح !!
الحاجة التانية انا ما قلتش ( كل ) الدكاترة …و ( كل ) الصيادلة ( لصوص )
انا ذكرت ( لعبة ) قذرة يمارسها البعض
هذا البعض ..كثير ..أم قليل …هذه مشكلة النقابة والجهات الرقابية ! وهذه اللعبة - أقسم بالله - حكاها زميل فاضل لى ..كان يعمل فى صيدلية ..لسنوات !
هى لعبة ..اصبحت ( شائعة ) ..ومؤكد ..أنك قد سمعتى عن مثل هذه الالعاب ( المدفوعة الأجر مقدما ) !!
فى كل مهنة يا سيدتى …فاسدون
وكذلك ..شرفاء .
وأتمنى - من كل قلبى - أن تكون القاعدة العريضة …كما وصفتيها شىء أسمى من ادراجى …بكثيييييييييييييييييير !!
والله المستعان .
………….
وتقبلى فائق احترامى لشخصك الكريم .
فبراير 25th, 2010 at 25 فبراير 2010 7:31 م
عادل
مش عارف اقولك ايه
ربنا تصلح الحال
لكن
معقوله ان الحال دا ممكن يتصلح؟؟؟
على الله
تحياتى
اكرم
فبراير 27th, 2010 at 27 فبراير 2010 3:01 م
فبراير 27th, 2010 at 27 فبراير 2010 5:48 م
ولكن يبقى بدون تعميم بالنسبة لي
تحياتي
فبراير 27th, 2010 at 27 فبراير 2010 7:25 م
موضوعك مضحك لدرجة البكاء
صريح لدرجة الخجل
سلم قلمك
ياريت الاخوة المسؤلين اللى همه مش مسؤلين عندنا فى الطب يطلعوا على موضوعك
ابقى قابلنى طبعا
تحياتى
فبراير 27th, 2010 at 27 فبراير 2010 7:25 م
ربنا يصلح احوالنا
اللهم امين
تحياتى .
……………
الأستاذ الفاضل احمد زكى
شكرا سيدى لحضورك الكريم
وصلى اللهم وبارك على سيدنا محمد وعلى آله وأصحابه أجمعين
…………
استاذ / اسماعيل العبد
وشهد شاهد من اهلها !
تعليقك له تقدير خاص ( جدا ) ..لأنك صيدلى ممارس
وطبعا ..انا معك كذلك ..ضد التعميم .
تحياتى .
فبراير 28th, 2010 at 28 فبراير 2010 10:39 ص
عاوزة المسئولين عندنا ..يبقوا مسئولين ؟!
بجد ؟!
انتى بتهزرى صح !!
………
سلامى ..و..احترامى
مارس 28th, 2010 at 28 مارس 2010 6:00 ص
يعنى مفيش دكتور عدل فى نظرك؟؟
ولما لاقدر الله حد يحتاج لدكتور ولا يجرى له حاجه خطيره هيجرى على مين؟ مش الدكاتره ؟
صحيح فيهم سلوكيات خطأ كثيره ولكن الطبيب المصرى مش واخد حقه ماديا حتى يعطى بضمير مثله مثل كل المهن هات لى حد عنده ضمير !ليس الدكاتره فقط المدرسين والمهندسين ..و…….
دراسه الطب اصلا طريقتها غلط وانا نفسى لا استخدم الادويه الا نادرا ودرست الطب البديل لقناعتى ان الرجوع الى الطبيعيه هو الافضل.
تحياتى يا استاذ عادل واى خدمه او استشاره انا تحت امرك على مدونتى homeopathy.maktoobblog.com