أغانى رمضان ( خواطر رمضانية )
أغانى رمضان ( خواطر رمضانية )
كتبهاعادل حجازى ، في 7 سبتمبر 2009 الساعة: 11:15 ص
في كل عام و يانا معاد
و عمره مابيخلفش معاد
أهو جه يا ولاد
أهوه جه يا ولاد
أهوه جه يا ولاد
::
جبتلنا معاك الخير كله
مالصبح نقوم و نحضرله
من قمر الدين و بلح على تين
و المغرب للمدفع واقفين
قالوا فين
وحوي يا وحوي إياحا
و كمان وحوي إياحا
وحوي يا وحوي إياحا
و كمان وحوي إياحا
أهوه جه يا ولاد
أهوه جه يا ولاد
أهوه جه يا ولاد
هذا جزء من الأغنية الشهيرة لفرقة الثلاثى المرح
حالة خاصة من الفرح والبهجة والحب الجارف تصيبك و أنت تستمتع إليها لليالى الشهر الكريم , والسعادة الفائقة لقدومه .
أيضا :
" رمضان جانا
و فرحنا به
بعد غيابه
و بقاله زمان
غنوا و قولوا
شهر بطوله
غنوا و قولو
أهلاً رمضان
رمضان جانا
أهلاً رمضان
قولوا معانا
أهلاً رمضان
رمضــــــــــان جانا "
أغنية
عبد المطلب الشهيرة – رغم عدم محبتى له ! – تشعر بنفس الأحاسيس السابقة ,
ويغمر الروح على الفور حالة رهبة وشوق و امتنان لبلوغ لقاء هذا الحبيب
…رمضان !
كذلك مسحراتى سيد مكاوى , الذى اختفت من على الشاشات بمجرد ظهور عصر الفضائيات الميمون !!
"
مسحراتي
مكاوي
اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم
.
.
مسحراتي على طريقة
منقراتي ورا الحقيقة
ستين دقيقة في كل ساعة
ماهيش براعة
لو فن دام
في كل كلمة من الكلام
أصحى يا نايم
وحد الرزاق
رمضان كريم "
وطبعا طبعا طبعا ..بكل كل كل تأكيد أغنية المطرب المجهول – فيما عدا هذه الأغنية – أحمد عبد القادر !!
""
وحوي يا وحوي
أياحة
روحت يا شعبان
وحوي بدار جيت يا رمضان
هل هلالك و البدر أهوه بان
يالا الغفار
شهر مبارك و بقاله زمان
يالا الغفار
شهر مبارك و بقاله زمان
محلا نهارك بالخير مليان
وحوي يا وحوي
أياحة
روحت يا شعبان
وحوي بدار جيت يا رمضان
جيت في جمالك سقفوا يا عيال
يالا الغفار
محلا صيامك فيه صحة و عال
يالا الغفار
محلا صيامك فيه صحة و عال
نفدي و صاللك بالروح و المال
وحوي يا وحوي
أياحة
روحت يا شعبان
وحوي بدار جيت يا رمضان
طول ما نشوفك قلبنا فرحان
يالا الغفار
يكتر خيرك أشكال و ألوان
يالا الغفار
يكتر خيرك أشكال و ألوان
بكرة في عيدك نلبس فستان
وحوي يا وحوي
أياحة
روحت يا شعبان
وحوي بدار جيت يا رمضان !! ""
ومن هذه الأيام الساحرة ( فنيّا ) من يستطيع نسيان هذه الأغانى
افرحوا
يابنات ( للثلاثى المرح ) – هاتوا الفوانيس يا ولاد ( محمد فوزى ) – مرحب
شهر الصوم ( عبد العزيز محمود ) – سبحة رمضان لولى ومرجان ( الثلاثى المرح )
– الراجل دة حيجننى ( صباح ) – والله لسّه بدرى يا شهر الصيام ( شريفة
فاضل ) – هلّت ليالى حلوة وهنيّة ( فريد الأطرش )
وللمزيد
برجاء الدخول على هذا الرابط
لماذا عاشت هذه الاغانى ؟
لماذا هى منقوشة بماء الذهب على جدران الروح والذاكرة ؟
لماذا يحبها الصغير والكبير ؟
كم كان المكسب المادى لأصحاب الأغانى وقتها ؟!
ولماذا لا تعيش أغانى رمضان التى صنعتها الأجيال التالية ؟!
الإجابة :
ابحث عن …الحب !!!
ـــــــــــــــــــــــــــــــــــــــــــــــــــــــــ
التصنيفات : خواطر رمضانية | السمات:مقال, مقالات ، خواطر, خواطر رمضانية, رمضان
أرسل الإدراج | دوّن الإدراج
9 تعليق على “أغانى رمضان ( خواطر رمضانية )”
اكتب تعليــقكالسلام عليكم و رحمة الله و بركاته
تسمع فيروز ؟!
هنا
سبتمبر 7th, 2009 at 7 سبتمبر 2009 10:28 م
..هي أغاني رمضان بس بتاع زمان بس اللي كانت حلوة..؟؟
..و أغاني الحب أخبارها ايه..؟؟؟؟
.
سبتمبر 8th, 2009 at 8 سبتمبر 2009 9:19 م
ادراج جميل
رمضان كريم اخي عادل
وكل عام وانت بالف خير وسعادة
سبتمبر 10th, 2009 at 10 سبتمبر 2009 10:59 ص
السلام عليكم ورحمه الله وبركاته
كانت أغانى ليها معانى مش زى اللى موجوده فى أيامنا دى
أنا أشتريت فانوس لأبن أختى من اللى قلبك يحبه بيغنى وبينور مش زى اللى كان على أيامنا كان أقصى أمالك تجيب فانوس بينور ولو مش بينور مش مشكله المهم أنك عندك فانوس
المهم ياكبير شغلت الفانوس لقيته بدل ما بيقول وحوى ياوحوى بيغنى أعنيه لتامر حسنى يعنى ممكن شويه وتلاقى تامر حسنى هيطلع لك من الفانوس
وحسبى الله ونعم الوكيل
تحياتى ……….وتقديرى
سبتمبر 12th, 2009 at 12 سبتمبر 2009 7:45 ص
سبتمبر 13th, 2009 at 13 سبتمبر 2009 6:40 م
يعنى
هى اغانى رمضان زمان ماجاش زيها فعلا !!
لكن اغانى الحب ..فيه !!
وكتير !!
رغم انى عارف ان رأيى مش هيعجبك ..بس كتير من المطربين فى التمانينات قدموا حاجات هايلة .
………
تحياتى .
سبتمبر 13th, 2009 at 13 سبتمبر 2009 6:41 م
شكرا لمرورك الطيّب .
سبتمبر 13th, 2009 at 13 سبتمبر 2009 6:45 م
تامر حسنى ؟؟؟!!!!!!!!!
ههههههههه
ويا ترى كانت اغنية ايه ؟؟
اعتذرى للى حييجى بعدى ؟؟؟؟ !!!!!!!!!!!!!!!!!!!!!
سبتمبر 13th, 2009 at 13 سبتمبر 2009 6:46 م
كلامك صح !
سبتمبر 16th, 2009 at 16 سبتمبر 2009 3:06 ص